[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اي نعم عندي قصيده والقصيده من قصايد=واختصار الشرح واجب في مواضيع عديده
في طلب من يطلب التعبير من زيـــن الفرايد=حاضر لاشك هل عنده مفـــــــــاهيم أكيده
يستمع ويفيد نفســــه ويحفظ بعض الجدايد=اوما غير اسمع وخلها تسند الوادي وحيده
من يميز في تجـــــــاريب المعرفه والفوايد=يستحق الشكـــر والتقدير من بيت القصيده
لجل ما كلا يميز بين مصيـــــــــــود وصايد=والمعرفه موهبه والموهبه نظـــــره سديده
من رعاها واحتضنها يعتبر فارس وقــــايد=والعرب في حاجته عند المهمــــات الشديده
يافطين القلب لاتجهل سلوم اهــــل العوايد=والعلوم البينه بين القديمـــــــــــه والجديده
فالمذبذب مايفيد المجتمـــع لــــو كان رايد=حي ميت في حياتـــــــه مايفيدك لـو تفيده
والمروءه والعنوه مالهـــــــــا عنده سنايد=والعدو اللي يضـــــــــده يعتبر عينه وسيده
هكذا الدنيا واهلها في صـراع وفي زهايد=واختصار الشرح واجب في مواضيـــع عديده
والحياه ومن عليها ماتنظمهـــــــــا الجرايد=كل يوم وفيه موضــــــوع جديدا في جريده[/poem]

__________________