مصافحه اولى لمجالس بني عمي

السلام عليكم


اتشرف بدخول مجالسكم وهذه مشاركه اولى اتمنى ان تنال اعجابكم


وهي قصيده موجه للامير عبدالعزيز بن سعود ( الســــــــــامر )

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]

ياراكب اللي تمـاري بـه وكالاتـه =مديل سته بعـد الالفيـن ميـلادي

عبداللطيف الجميل ومـن مبيعاتـه =مزدهرةٍ ثروتـه تنمـو وتـزدادي

كنه ملـك دولـة يصغـي لبيعاتـه =قدام عرشه تحنّى روس الاسيـادي

لامن نطحته شعق بـراق شمعاتـه =من غير حس آتسمع صوت رعادي

واليا قفيتـه اتـوه بكثـر ميزاتـه =شوفه يكفّي عن المشروب والزادي

يشبه حَمَار الفرامـل فـي سطباتـه =خدود سورية فـي ثالـث اعـدادي

غشيمة في الغـرام وفـي حركاتـه =خجّل بها واحد في حسنهـا غـادي

ياسايقـه خلهـا تصحـى انبيراتـه=صخّر به البعد ينسيـك التبيعـادي

انحر به العاصمه واصّـل رسالاتـه=لثالث ابراجهـا ولنورهـا البـادي

ازبن على القصر واستأذن حراساته=واشرح لهم وضعك اللي ماهو بعادي

والعود الازرق ليا نطحتـك نفحاتـه =جاك السعد من طويل العمر منقـادي

اقلط على مجلس في وسط جلساتـه =يموت حزن الحزين ابّيض الايـادي

مادار في فكرك من همومـك فهاتـه =اليوم يوم الفرج.. (وانا ابن عبادي)

وضع يهمه ومن بعـض اهتماماتـه =ويهمنـا كلـنـا شيـبـان وآلادي

سلمه ابوراشد اللي بيـض وقفاتـه =تنشر على الصحف والتلفاز والرادي

شيخ ملكنـا غـلاه وطيـب نياتـه =واكبر مثل لا ذكر نفخـر ونزتـادي

وآعطـر بدايـة الهـرج ونهاياتـه =بالمسك والفل والريحـان والكـادي[/poem]