النفس مسدوده عن الهرج والزاد=
الهم هو هرجي وشربي وزادي=
الله من صبرٍ صبرته ولافاد=
صبرت صبرٍ ماصبره المهادي=
كنيت حتى حطم السر الاصفاد=
فر وتمرد من حنايا فؤادي=
شكيت والشكوى على الناس تنكاد=
ولاينفع المضيوم كثر الدوادي=
أضحك ويسبقني على الضحك حرجاد=
نسيت طعم الضحك والهم زادي=
حاولت أنام ولاتهنيت برقاد=
حتى تعوذ من عيوني رقادي=
ذرفت دمع العين جادٍ ورى جاد=
مايذرفه حتى رضيع المهادي=
أنا أشهد أن الضحك ولى ولاعاد=
واليا أندفق كاس السعد مايعادي=
لي قصةٍ تحرج شغاميم الاولاد=
في صفحةٍ بيضا شمطها سوادي=
عنوانها تكفون يالناس الاجواد=
وش خانة الفارس بليا جوادي=
والبندق اللي مالها جر وزناد=
ماتشفي الغازيين وقت المعادي=
ورجلٍ بلا ربعٍ على الغبن يعتاد=
الكثر يغلب شاجعين العوادي=
والبيت مايرفع بلا سيس وعماد=
لو زبرقوه بماء الذهب والرشادي=
والبن مايعبا بلا هيل وقناد=
مثل الذلول اللي بليا شدادي=
الناس في وادى وأنا أهيم في واد=
منجوم والمنجوم ضايع وغادي=
قلبي عليل وعذبه كثر الانشاد=
في غربةٍ ماأوحيت صوت المنادي=
في تونس الغبرا ورى السيف والماد=
ماهي بدارٍ (ن) لي ولا هي بلادي=
داري مقر أبطال وأسياد وأمجاد=
للسلم سلم وللمعادي نكادي=
آل السعود مطوعة حزب الاوغاد=
قامت على الفتنه صباح وهجادي=
فيها نعيش أحرار وأكرام وأسياد=
أمن وأمان وخير والجو هادي=
وأنا سعودي(ن)على روس ألاشهاد=
متميزٍ شخصي ولانيب عادي=
من صلب قحطان العرب جد ألاجداد=
وأفخر بقحطان العريضه وأمادي=
ربعي عبيده رغم عن كل حساد=
أهل الرمك وأهل السيوف الحدادي=
من أل سلمان صناديد ألاولاد=
حماية الخبت المسمى وكادي=
طابورهم في الحرب قوه وتعداد=
ماتنثني للحف قطعة نفادي=
هذا كلام الصدق مانيب جحاد=
وأعلنتها للخلق غابي وبادي=

**********
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

الاخ العزيز والغالي/ سيف بن طفلة ال سلمان


ماشاء الله تبارك الله

حقيقة وبدون مجاملة والله انها قصيده مميزة ورائعه وفي نفس الوقت محزنه ومؤثيرة خاصه اذا كان الشخص بعيد عن أهل وربعه وبني عمه وديرته فما بالك اذا كان الشخص خارج عن دولته وعايش في دوله ثانيه إما لعمل أو للدراسة أو أي شي من ظروف الدنيا والله انه شي محزن ولا كن الرجال يصبرون ويتحملون الا ان يفرجها .

ويكفينا جميعا بان هذه القصيده من شاعر مميز وشاعر مبدع وشاعر رائع وشاعر كبير وقوي وغني عن التعريف الا وهو الشاعر المغوار / سيف بن معيض بن طفلة ال سلمان العبيدي (( بــــــــــــحر ))

وشهادتي حقيقة في هذا الشاعر الغالي شهاده مجــــــــروحه

عسى الله يوفق الجميع

وندعوا الله عز وجل يابو معيض بانه يردك إلا بلدك واهلك وربعك سالماً وغانماً

كما نطلب منك المزيد من القصايد وأنا حقيقة من أحد المتابعين وبإستمرار لقصايدك الجميله

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

تقبل تحيات أخوك ومحبكم في الله

أبو صــــــــقر الزهيري