( لاتفسر هرجتي وتزعل علي )

المشاركة الأصلية كتبت بواسطة سفر بن مبارك

الأخ الكريم الظور

السلام عليكم ورحمة الله

صح لسانك ياأبو محمد ولافض فوك قصيدة ولاكل القصائد

وفعلا كل رجل وبذات الأحرار تعرف مكانها الحر مهما كان

لا ينزل الوطى بل يعرش في أوكار الجبال أو على كفوف

الرجال قصيدة جزله من رجل جزل له تاريخه الأصيل ومشواره

النبيل خالص تحياتي ياأبو محمد .........

المشاركة الأصلية كتبت بواسطة الظور

[poem=font="Simplified Arabic,6,royalblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله الرحمن الرحيم

لو عطوني في الوزاره مستشار=كلمةً لاني لها ولاهي بلي

ماتبع الا كون عساف المهار=فارساً لاجاك همك ينجلي

المعذره من طويلين الشبار=لاتفسر هرجتي وتزعل علي

والله مارضى كون في صف النمار=دام فيه عرق والدم يغلي

سارياً باليل في درباً غتار=مامشابه لاصديق ولا صلي

السفر لابان جا عقبه نهار=شفت دربي زين وطلقت اجملي

الحباري مالها كون الحرار=والحرايب مالها كون جهلي

ون لقيت السوق فحسن لختيار=لاتجس الرخل وتخلي الطلي

اللحى عندي لها قدر وشنار=ولحيةً ماقدرتني تسفلي

الشاعر

سعد بن كدم[/poem]

المشاركة الأصلية كتبت بواسطة عبدالرحمن العقيلي

الظور



ماشاءالله عليك قصيدة عالية المستوى ولافيها كلام


تقبل تحياتي

المشاركة الأصلية كتبت بواسطة مشاري بن نملان الحبابي

أرحب يا بو محمد ..

صح الله لسانك ..

قصيدة اكثر من رائعة ..

وما تجيب الا السمان يا ذيبان ..

المشاركة الأصلية كتبت بواسطة فلاح آل راكان

اررررررررحب يابو محمد تراحيب المطر والله اني صادق ..

صح الله السانك مدد بلا عدد ..

جزل ولانييب مستغرب ذا القصايد الكايفه منك ..

تقبل مروري فديتك ..

المشاركة الأصلية كتبت بواسطة سعد الشواطي

مرحبا ترليون يا السمي ..

صح لسانك جعل عمرك طويل ..

جزل وما تجيب الا الجزل ..

دمت في رعايه الله يا مشرفنا الرائع ..