الشاعر الكبير خولان بن عامر في لقاء مفتوح وتصريح بأسمه الصريح عبر شبكة قحطان

اررررررررررررحب ياخالد

اشكرك من اعماق قلبي على مرورك العطر واسئلتك اللي في بعضها ا نوع من الاحراج

س1/بمن تأثر مضواح من الشعراء ؟

ج/1 جدي مضواح بن عايض رحمة الله عليه

2- الى اي مدرسه شعريه ينتسب مضواح ؟

ج2/الى مدرسة الشعر والادب الملتزم بالادب والوزن والقافيه والمعنى.

3- وش الايجابيات والسلبيات في المنتديات الشعريه من وجهة نظرك؟

ج3/الايجابيات لمن لديه موهبه فقد يستفيد وتكون بداية انطلاقةه من هاذي المنتديات مثل ما شاهدنا وحصل

لكثير من النجوم الان . والسلبيات عد ولا تغلط لكن صاحب الفكر الواعي والمدرك سوف يتبع الصالح ويترك

الطالح.

4- من شاعر قحطان في القلطه من وجهة نظرك يابوياسر صراحه وانت صريح دائما

ج4/كل شعراء قحطان فيهم البركة جميعاّ وبلا شك ان فلاح وسلطان الايام هاذي هم خير من يمثلون قحطان

واتمنى عودة الاسطورة عبدالله بن شايق في اقرب وقت لقد اشتقنا له كثير فهذا الشاعر له حب خاص عند كل الجماهير

مع العلم ان في قحطان شعار مغمورين وان اعلم واجزم انهم لو يتجهون الى اللعب في الساحة ان يكون لهم دورا كبيرا

وانا اعرفهم جيدا


5 - شعراء الحباب كثر قلطه ونظم لكن لم يبرز منهم احد اعلاميا سوى ابن حمري مالسبب طال عمرك ؟

ج5/يكفي الحباب فخرا ان حامد بن مايقه وعلي بن حمري وناصر القحطاني ومهدي بن عشيمان وعلي البورعي

منهم فهولاء من دهاة الشعر في الجزيرة العربية والخليج ووكذلك الباقين كلهم فيهم بركه لكن اغلبهم

لا يسعى ورى الظهور والاعلام





6-انا اعرف الشاعر مضواح بن شتوي الحبابي فقط ....ابي اعرف بطاقتك الشخصيه العمر والحاله الاجتماعيه ؟

ابوياسر....نبي طال عمرك نعرف الوظيفه ....والمؤهل الدراسي ؟

ج6/العمر طال عمرك لي قصيده اسمها ( غيب الايام) قلتها عام 1399هــ خذلك حاسبه واحسب علماً انك بتحرجني مع

الخطيبه الجديدة. ني سمعت انهم توهم شارين لهم كميوتر ومدخلين النت عندهم وانا مصّغر نفسي عندهم

باقي ثلاث سنين واطوف عشرين **** واول سنين العمر كله حلاوه
واللي جمع ثنتين دنياه والدين **** يقضي حياته كل ابوها هداوه

الوظيفه طال عمرك

قلت في قصيده ايضا اسمها( ياراعي الجيب)

من راس مالي ابدفعها بلا اية نقاش *** البنك ملين والشيكات في كل جيب
ابيع واشري ولاعندي (ضمان ومعاش) *** اجمّع اللي كتبه الله لي من نصيب

يعني بالعربي( متسبب)

وايضاء في الشهاده والوظيفه قصيده بعنوان( عاطل)

لي ثمان سنين ادور لي مع العالم وظيفه **** والغريب اني مخضرم والشهاده جامعيه
والبلد مليان مثلي يمكن انهم بالنصيفه *** والبطالة كونّت في مجمتمعنا عنصريه

طبعاً شهادة جامعة الحياة


7-اطرف موقف مر عليك في حياتك ....

ج7/اطرف موقف مر علي كنت معزوم انا والشاعر عبدالله بن مشبب بن لعور في زواج كبير ومنسق له امسيات ولعب

وكان عبدالله معه سيف ولما جينا عند اهل الزواج استقبلونا وكانت الجماهير ماشاءالله تبارك الله كثير وعندما قام اللعب

وكان اللعب قزوعي قالوا اهل الحفل خلو البدايه نصف ساعة قزوعي ثم بعد ذلك الامسية القلطه قلنا تم.

قام عبدالله وقام يهوز بالسيف والرجال كان متحمس جدا الى ابعد الحدود وقام يومي بالسيف يمين ويسار وبحركااات

مخيفه خافوا منه الجماهير اللي في الصف واللي يلعبون وبعد ربع ساعة مابقي في الحفل الا اصحاب الحفله حوالي

عشرة اشخاص كل ركب سيارته وسرا

8-ماذا تقول للاسماء التاليه القرقاح ابن شائق الهاجري العيافي ناصر القحطاني
ابن حمري سعيد الفهري حسين بن شتوي الحبابي وعلي البورعي ......؟

8/هولاء كلهم من فطاحلة شعار قحطان ونجوم بلاشك واتمنى لهم التوفيق والسداد وزيادة في الابداع

9- اصعب قصيده مرت عليك وكتبتها وحسيت انك متعب بعدها مافرغن كتابتها؟

ج9/الحمدلله لم يحصل ذلك الا في مرة كنت معزوم في زواج اخ يمني مقيم في الرياض وكان الزواج على مستوى عالي

وجيناهم في زامل ولما جيناهم كان عندهم شعار كبار من اهل اليمن اللي يبدعون الوقف وعندهم في سلمهم ان

كل من جاب زامل لازم يردون عليه بنفس اللحن والقافيه وبعد ماردوا علينا وعلى زاملنا بنفس اللحن والوزن والقافيه

راحوا وصارت كل قبيله منهم تجيب لنا زامل ترحيب ولازم نرد عليهم وعلي لليل الله لايوريك والحمدلله كنت موفقا في

كل ردي عليهم


واخيرا تقبل خالص تحيتي والله يسامجك ياخالد

مرحبااااااااااا الف ياعاشق



الله يبارك فيك واشادة افتخر فيها يالقرم


تقبل خالص تحيتي