المشاركة الأصلية كتبت بواسطة ابن حبشان

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
‘‘ ‘‘ ‘‘ ‘‘ ‘‘



ياللي تخيلون البروق وتنشدون من العسـوس=سحابةٍ هلّت مابلّـت كبـد الارض رشاشهـا


ولارعاها الا المطـرّف و الدوينـي والفلـوس=والعالم اللي من حطبها مـا فَرقـت قشاشهـا


سبحان من سخّر كبار الروس للـي مايـروس=في حلةٍ يصعب حساب قصورهـا وعشاشهـا


والله على بعض الكبود الخاليات من الحسـوس=والله على بعض الثياب اللي يهـول قماشهـا


والله على صدرٍ تزاحمـه الطـواري والهجـوس=اللي مااعرف حسـاب مقبلهـا ولامنحاشهـا


وأطحن غثاها بالضلوع العوج وأميّز واقـوس=شورين !! شور يقول واجهّا وشـورٍ ماشهـا


وانا مااغِر ان الحميّه طبـع والبِرقـه لبـوس=للعالم اللي كلمـا صلّـت يزيـد اجهاشهـا


واللي يقول ان الدلال تصَب والبن محمـوس!!=يعتاش من روس الضبا اللي يذكرون عراشهـا


ماني من اللي ترخي الهامات لكبـار النفـوس=اللي ليـا قـدّرت طيّبهـا بلشـت بلاشهـا


وان ضاقت الدنيا بروسٍ كلّها فـي سـدّ روس=ماضاقت صدور العباد اللي تسـوق ادباشهـا


ماهوب بعيب انثمّن الوقفات في اليوم العبـوس=العيب لو نفرش لخلـق اللّـه غيـر فراشهـا


واللي يميّز في العلوم ويستفيد مـن الـدروس=خَلّه يعيش بلحظة ٍ تحسب على مـن عاشهـا


وش قصّر يدين الوقوف وطوّل يدين الجلـوس؟=كل ٍ يشوف المرجله واللـي قِدَرهـا حاشهـا


وان كان تبغون الذبيل اللي ورى الصدر محبوس=اللي تذوب اله الحيود الصـمّ لامـن ناشهـا؟


ماغيّر طبوع الرجال الزاهديـن الاّ الفلـوس=ولاهدم هيبة حصون الـروم غيـر اوباشهـا



‘‘ ‘‘ ‘‘ ‘‘ ‘‘ ‘‘

وسلامـتـكـم [/poem]