تكفون ياقحطان افزعو بالوجه والجاه

قصيدة نخوه وطلب العفو عن السجين سعيد بن سالم بن خاطر
موجهه لاسرة ال صمدان جميع وابناء المرحوم/محمد بن بن غانم
وعمهم الشيخ عبدالله بن غانم
والخزامين جميع وعلى راسهم الشيخ/سعيد بن هادي بن دحباش
وترقبو القصيده يوم غدا بشيله لاحد المنشدين المبدعين

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
يافارج الكربا وياجالي الهم = ويامنجي ذا النون مالبحر الاظلم
ياللي بما تخفي المخاليق تعلم = أفرج لمن جارت عليه الليالي
مصيبةٍ تذهل عقول العوارف = والهم ضلما وازرق الدمع ذارف
للضيق صدر وللتسامح مشارف = قصه من الواقع تفوق الخيالي
عودٍ بلاه الله بأكبر مصيبه = يا كبرها بين القريب وقريبه
إلا ابن عمه درع جنبه نسيبه= وصكات بقعاء جات من كل جالي
مواقفٍ من هولها ينشف الريق = العفو عند المقدرة يا لمطاليق
والطيب فرصه والجمايل توافيق = في ساعةٍ تثبت عزوم الرجالي
عتق الرقاب أجرٍ عظيمٍ ثوابه = في شايبٍ قفت ليالي شبابه
واللي مصاب الله يجبر مصابه = وإبليس سبب بين غالي وغالي
ياللي تبي العليا وبالجنه تفوز = أفزع لعودٍ من ورى الباب محجوز
تكفون ياهل الطايلة يال عكروز = فرصه عظيمه يا كرام ألسبالي
أنا دخيل اللي حمى حوزة الدين= الواحد اللي له عباده مصلين
ثم انتخي بعده عيال الخزامين= سعد مقام الطيب ذرب الفعالي
وهادي وعبدالله ومر عي ومطلق=مايزبن الا في عريب ومطلق
والطيب والناموس والعز يعلق=فيكم ومنكم ياقروم العيالي
والشيخ ابن دحباش مقدم قبيله=زبن الدخيل ويرتكي للثقيله
يامروض العسرات والمستحيله=تكفى ترا تكفى تهز الجبالي
نخيتكم ياهل الوافا والجمايل=يالي خذيتو في الجميل الأوايل
عاداتكم كسب الوفا والجمايل= ياعزوة المظيوم باول وتالي
ادخل عليكم كل ما اصبحت وامسيت=وانا دخيل الحي وادخل على الميت
وادخل على الشيبان ودخل على البيت=واسوق وجهي واعتقل بالعقالي
دمع البنات اللي من الحزن يبكون=ايخلي الصاحي مضيع ومجنون
تكفون ياهل الطيب تكفون تكفون=اربع بنات ينتخون الخوالي
صاحن بصوت يذهل العقل مشحوب=ياخال تكفى والقدر كان مكتوب
رحنا ضحيه بين طالب ومطلوب =والدمع يذرف مثل وبل المخالي
بنت الرجال ان فرّعت فاعذروها=تكفون ياهل الطايله جملوها
لعيونها ماهو بمن شان ابوها=والخال والد يالرفيق الموالي
صاحت بصوت ياعرب يذهل اذهال=وتقول ياخال انت تدري بلاحوال
حتى الأخو ماهوب موجود ياخال=ماغير نصفق باليمين الشمالي
وحنا هل الوقفات حاضر وبادي=وتاريخنا بين القبايل ريادي
من يقدر يسوي سوات المهادي=كل ينعم له لاجاله مجالي
[/poem]

نسأل الله جل في علاه ان يصلح الشان
وال صمدان والخزامين من كل خير قريب وهم اهل للعفو والتسامح والجميل
ومقادير رب العالمين تجري وبلاوي الدنيا كل يوم عند عرب الله يكفينا وياكم شرها وما قدم صاحب العفو والجميل يلقاه عند الله وعند خلقه
بيض الله وجهك وجمل الله حالك وصح لسانك يا ابو مبارك
قصيده معبره وفي محلها وتنصا رجال تقدر وجيه القبايل
لاهنت ولا شنت ولا جاك شر ولا مكروه

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]

ببيض الله وجهك يابو ديه انت شيخ ولد شيخ وتسدون اللزوم

الله يفرج كربهم ويجمل حالكم و يعين من سعى في هذا الموضوع

الله يجعل ابوك في الجنه امين يارب العالمين

__________________
للتواصل:

fahad_alhababi@hotmail.com

ببيض الله وجهك يابو ديه

__________________

فَمَنْ عَفَا وَأَصْلَحَ فَأَجْرُهُ عَلَى اللَّهِ

صح لسانك و كفو يابو ايده


الله يصلح الشان