البقى والله البقى يابو حمد ..

ولا عليك زوود نفدآك ..

والموضوع موضوع الجميع ومشاركتك وردك على الظور وافي جعلني ماعدمك ..

اخوك الصغير ..

__________________

ارررررررررررحب يابو ابراهيم تراحيب المطر ..

ولاهنت نفدآك على المشاركه الطيبه ..

والأظافه التي اعتبرها شرف لي وللموضوع ..

بيض الله وجهك ولا خلا ولا عدم ..

خآلص / ودي

__________________

ارحب اخوي فلاح
يا سلام عليك وعلى مواضيعك
قصيدة تاريخية جزله وقصة رائعة وفقك الله

__________________

حسب ما ورد عن ابن شداد ..

ان بن حسين المذكور انه من قبيلة زعب ..

للتوضيح فقط ..

__________________

مرحبا ترليون يابو ناصر

بيض الله وجهك وجمل الله حالك على هذا الموضوع الاكثر من رائع ..

دمت لنا يا شعلة المجالس ..

__________________

البقى دبلها يابو علي ..

ووجهك ابيض ومجملك ربي يابو على في كل لازم جعلني ماعدمك ..

خالص ودي وتقديري ..

اخوك ..

__________________

القايل مايهون نفدآك ..

ملاحظه يا القرم بخصوص سؤالك يا الشلي ..

العرجي مفرد .. والعرجان جمع ..عبيده

العرجاني مفرد ..ال عرجا جمع ..يام

هذا وعفاك ..

وفي انتظار ابو ابراهيم ..

__________________

كلمة يلعبها والبال زيني
قالها بن الذيب من هاجوس باله

من هواجيس تشيب المرضعيني
قالها يومه طراله ما طراله

مادرا أن الموت في حبل الوتيني
غرني بعض الرجال بكثر ماله

وما يقوم البيت دام الساس طيني
كيف ينفعني وبعض الناس خاله

مثل ابن ظافر حمد ذرب اليميني
ناس وين اللي عوايده الشكاله

علمه ظافرٍ سلوم الطيبيني
الثناء والجود دايم في خياله

وادركوا من علمته دنيا وديني
جود العليا وقضبها عياله

سار في درب النبي واخزا اللعيني
واهني من باع حظه واشتراله

من بغى ممشاه يقعد مرتيني
موقفه ما كل رجالٍ يناله

وعادته لطمة خشوم العايليني
وكم ذبح من حايل من حر ماله

وبثلاث محرم انها ما تجيني
حالف ما أخذ من الطرقي رياله

يلتفت ويقول وين المستحيني
لا لقيت اللي على السكة لحاله

يوم ولد اللاش وجه ما يليني
ياقف الموتر حيا وابغي الجماله

خصبه وانجا مجال الغانميني
الطمع في كروت الرجلي رذاله

يا عوينه من كلام الطيبيني
والردي في حالة ما هيب حاله

ما يعد اللاش مقصور اليميني
والردي كوبان ما يذكر مجاله

ما تحاكوا في قفاه الرامسيني
أركبه لعيون من زين دلاله

قاعد لي بالرجا مدت سنيني
ما بغا غيري وانا ما ابغي بداله

وبلخوال يسال قبل الوالديني
الولد وان طاب قالوا من خواله

تابع سلمى لسلوم الأوليني
واشرب الفنجال واكب البياله

ناخذ العليا طريق الفايزيني
وما قعدنا في العمل نبغي الرزاله


الشاعر راشد ذكر في قصيدته حمد بن ظافر العرجاني ومقره في دولة البحرين عند ابن خليفه حاكم البحرين وهو منصا لجميع الرجال الوافدين اليه ومع ذلك فيه الكرم الزايد مع حسن الأخلاق وذكره الشاعر راشد بن الذيب في عرض قصيدة.
وبعدما شاعت هذه القصيدة مع العالم واشتهرت فجاك الأمير مران بن قويد من أمراء الدواسر وخويه مسعود بن عنبر وركبوا مع راعي سيارة من ضمن الركاب وبعد ما أخذ في الطريق مشوار فاستراحوا يبغون شرب القهوة والشاي ولكن مع الأسف لم يعرض عليهم بشرب الشاي فبعد ذلك جاهم عبد الله بن حسين الزعبي الذي ربا مع الدواسر وهو رجل من الرجال اللي فيهم خير وعرض عليهم أن يخاوونه فقالوا ما فيه مانع وركبوا معه وبعد ما خذوا لهم مسافة ضحوا (استراحوا) كالعادة للغداء والقهوة وذبح لهم خروف وغداهم وعاظهم في خويهم الأول وقال الشاعر مسعود بن عنبر هذه القصيدة :

لا زما راس المثل مره بحيني
راكب اللي لا مشى تومي حباله

عندنا مثله عيال طيبيني
نصه بن الذيب خبرنا بحاله

يركب الرجلى وهيف لسميني
منهم بن حسين يفعل ما طراله

لا لقاهم بالخلا متعطليني
وكم نقل من خبرت من حر ماله

وشوف عيني واشهدوا يا حاضريني
ضوهم ضوه ودلتهم دلاله

شارب الشاهي وربعه جالسيني
جعل يفداه الردي راع البياله



والمعذرة والقصيدة تحتاج لتنسيق









المزيد لمعرفة هذه القصائد وغيرها بكتابنا الغوص على الدرر عند شعراء قطر .

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

أخ فلاح القصائد مشقلبه ماعاد إلا بصرك فيها

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

ارررحب يبو براهيم ..

مافهمت عليك ..

القصايد اللي انت جبت مشقلبه ولا القصيده اللي انا نزلت ..؟..!!!..

__________________