جبابره ( صوت وصدى ) جابر هايف

صبحكم / مساكم الله بالخير جميعاا


قصيده اعجبتني وحبيت انقلها لكم ....1



القصيده

الصوت : جابر هايف








دام أجتمعنـا يارفيقـي كـل شـي بنجبـره
عيب ٍ علينا كسرهـا وأنتـه وأنـا جبابـره


أنته سميّ العود جعله فـي جنـان ٍ مزهـره
وأنا سميّ الشيخ ربـي يرحمـه فـالآخـره


العلم جالـك ياولـد عمـي وجابـر مصـدره
ياجابر اللي كل علومي روحـت لـه صـادره


أربع سنين وفي منامـي كـل ليلـه مقبـره
وأشوفني أحفر قبر وأجلـس عليـه أناظـره


عجزت أنسى وإن نسيت الحلم جابه وأذكـره
شي ٍ أخاف إني أقوله وأنـت أظنـك خابـره


الوقت أوجعني ومبطي وسط راسـي خنجـره
لاني قويت أشيلهـا ولانـي فقـدت الذاكـره


اللي بلاني بالخطا قبـل أبتلـي بـه منـذره
ولادون حلقي غير أيديني والكبير أتصاغـره


عفيت يوم العفو عندي فـي حـدود المقـدره
وأخطيت في عفو ٍ هـدر دم الكرامـه قـادره


مانيـب رب ٍ للبشـر وكـل ذنـب ٍ أغفـره
أنا بشر زي البشـر وأيامـي فينـي كافـره


ماهمني قول ٍ سمعتـه مـن كبـار ومبـزره
وأنا كبير القوم بيـدي وسـط نجـد ٍ قابـره


لكن أبعطيك العلـوم اللـي بجوفـي مزبـره
ورّدهـا عنـي لجمهـور ٍ يمجّـد شـاعـره


الجمر أشوفه يغتصب كل ليل أنوثـة مبخـره
يعني ترى بفعل الجمر كل المباخـر عاهـره


والغيمه اللي مانـوت هتانهـا لـي تمطـره
خذها تراها عنـد غيـري ماتشـح وماطـره


العين أغنت أطرم ٍ عـن حكـيّ ذل الحنجـره
أطرم خرج من مدخله وأعمى أبتلش بالدائـره


والبير اللي تشوفني كل يوم أجيلـه وأسبـره
مابي ضماا .. بسمع ونين الضامي اللي حافره


والشاعر اللي ردني لسـري بـذود الجمهـره
ترى بيوتـي كلهـا وسـم ٍ بفخـذ أباعـره


لو قالوا عني .. قول تقذف كل شجره مثمـره
ترى الجنون أول لقبّ أطلق علـى العباقـره




الصدى : لـجابر الثبيتي







بنجبر اللي ينجبر واللـي يعصانـا بنكسـره
في هالزمن كن كاسـرًا تسلـم اذى كواسـره


حنا اجتمعنـا ولا يفرقنـا زمـان الشوشـره
لو فرقـت أجسادنـا فقلـو بنـا متخاشـره


بيني وبينك حد وجنسيـه وجـواز وتذكـره
بس أرتبط بك أرتباطة روق وبرقـا العامـره


الله خلقنا في زمن في عيوننا انـه مسخـره
وأحنا أساطير الزمن فعيونـه مـن نـوادره


العلم جانـي واستلـم رده برغـم الزمجـره
نحكي درر حكيٍ جهر ماهو بحكي مساسـره


نشدتلك شيخٍ عـن الحلـم الغريـب وفسـره
تفسير أخفى باطنه في جوف باطـن ظاهـره


يقول في اربـع سنيـن وكـل بـذر ٍ تبـذره
في أرض خصبه ينبت أشجار وزهورٍ عاطره


تسقيها قطرات الندى وتحيى شجره بعد شجره
وتصير لك روضه بانـواع الفواكـه زاخـره


روضه وتحيى منها انفس واراضـي مقفـره
ويعم فارجـاء البلـد خيـرات بـذرٍ بـاذره


روضه على مر الدهر تبقـى غنيـه معمـره
والله ينجيها مـن أسنـان الفـؤس الجائـره


ولا المزون اللي على غيرك مطرهـا تنثـره
مستحلبه منهم لهـم حتـى بركتهـا نـادره


اخر زمن شوف المزن اصبح علاها سمسـره
أدفع وأسوق الغيم يمـك وامطـره بالطائـره


ناسٍ هواهـا ذلهـا تفكيرهـا سهـر ومـره
وأحنا عقلنا عزنـا عـن الـردي والبايـره


خل الـذي غـره زمانـه يلتهـى بالبختـره
وأنته زمانـك يفتخـر بانـك أحـد مفاخـره


يسري بذود الجمهره وتسري بـذود العبقـره
يافرقها فرق الثـرى عـن الثريـا الساهـره


ياعزوتي ماوجعك يوجعنـي وطـب الدكتـره
ماطبب جروح أفتقت مـن السنيـن الغابـره


خذني معك ياعزوتـي فالميمنـه والميسـره
خذني معـك دام الفعايـل والنوايـا طاهـره

صح لسان كل من الشاعرين مراده جزله وبيض الله وجهك يا ناصر دايم مبدع فديتك يالغالي

وتقبل مروري..........................

هلا ارحب يالله حي الغالي يالله حي علي الابداع تششريفك طال عمرك ومرورك الله لا يهينك يالغالي دمت بعز وسعاده بارك الله فيك

صح لسان الشاعرررررررررررررررين

__________________

[grade="008080 008080 008080 008080"]لا اله إلا انت سبحانك إني كنت من الظالمين[/grade][grade="DC143C DC143C DC143C DC143C"]beshry@hotmail.com[/grade]

اررررررررررررررررررررررررررررحب يا ناصر تراحيب المطر ..

والله اني اتشفق على اي موضوع تنزله لانك جزل والجزل مايجيب الا جزل ..

صح الله السنت الشعار وختيار موفق فعلا ..

لاهنت يا القرم على الطرح الرائع يا مبدع ..

تقبل مروري نفداك ..

__________________

صح لسااااااااااااااااان الشاعر..

لا هنت ومشكووووووووور

__________________

[grade="008080 008080 008080 008080"]لا اله إلا انت سبحانك إني كنت من الظالمين[/grade][grade="DC143C DC143C DC143C DC143C"]beshry@hotmail.com[/grade]

صح الله لسانك ولسانه لاهنت اخوي ناصر.....................

__________________

صالح بن ناعمه الله لا يهينك بارك الله فيك يالغالي لاهنت
واعجبني تعليقك انشششهد ارفع راسسسك انت قحطاني ايه بالله ارفع راسسسك فوق يالغالي
اقولها من دون مجماله القحاطين عزيزن علي

الله حيه فلاااااااااااااااح ارحب ارحب .......> دقيقه بس بطلع الرشششاش برمي فووووق لعيوونك طعطعطعطعطعطع

ارحب يالله حيه يالله حي الغالي والله اني اغليك يافلاااح واذا ماشفتك اضيق ويشششهد علي ربي اششتاق واتوق لردودك ومواضيعك طال عمرك الابداع انتم يالقحاطين واللي موجودين بالمنتدى جميعا من دون اسسستثناء
الله لا يهينك يافلااح ترا اشششتقنا لمواضيعك نبي منك مواضيع الله يعزك بافلاااح ويسسسسسعدك في الدنيا والاخره لاهنت يالقرم

سفر ارحب الله لا يهينك يالغالي صح بدنك دام عزك بارك الله فيك