المشاركة الأصلية كتبت بواسطة الظور

بسم الله الرحمن الرحيم

كان محمد بن ناصر بن كدم رحمه الله واموات المسلمين اجمعين مسافر على ذلوله من الجنوب الى الرياض وذلك قبل توحيد المملكه بتاريخ بسيط

ويوم وصل جنوب الرين امساء في مكان ويوم اصبح سرح وعند الظهر شاف راعي بيت وعدل عليه ولاوعى راعي البيت الا وراعي البعير يبركه تو البيت والرجال جالس على الضو وعنده كيس فيه طحين فقام واخفاء كيس الدقيق وقلط نخران عند الرجال يبغى الغدا ولايوم قام الرجال وجاب تمر يابس ملموم وكنه حجر وقال تغد غداك ولم يسوي قهوه ونخران يعرف هذا الشخص معرفه سطحيه

فقام نخران وتركه وركب بعيره وواصل سيره وعقب العصر شاف عرب وعدل عليهم ويوم نوخ الا الترحيبه يوم شهرها راعي البيت باعلى صوته

ولم يكن صاحب البيت هذا الا الفارس والشيخ علي بن شديد ال مخثله السعدي المعروف بشجاعته وكرمه بين العرب حيث ان بينهم معرفه من معركه حجلاء الاولى وماتقابلو من عشر سنوات وقام علي بن شديد وذبح حايل من الضان ودعا الي حوله وتعشوا ويوم تعشوا عطاهم محمد بن ناصر علمه وتذكر معزبه الي في الظهر فقال هذه الابيات



يوم الــ ؟؟؟ ماظفر في قرانا ----------- ياجعل راسه يضربه حد شومان

ماشب ضوه خل مابه غدانا ------------- خش الطحين وقيس التمر عقبان

ياجعل خو حمساء يمينه تغانا ----------- قرب لنا عقب الطوى خيرة الضان

اسئل المولى ان يتغمد الشيخ علي بن شديد بواسع رحمته ورضوانه فانه على ذلك قادر

ودمتم بخير

المشاركة الأصلية كتبت بواسطة سفر بن مبارك

الأخ الظور

بيض الله وجهك ع حفظ هذه القصص التي تبيض بالوجه عن هذين الفارسين الفارس بن مخثله رحمه الله .. والفارس بن كدم

رحمهم الله جميعا كلاهما فرسان وشيوخ قبايل شكرا لك ع هذا الطرح الغير عادي ..........

المشاركة الأصلية كتبت بواسطة فلاح آل راكان

لاهنت يا الظهور


على اراد القصه والقصيده


سوالفن جعلنا ماننقطع منها


لاهنت يا القرم

المشاركة الأصلية كتبت بواسطة شامانـ العاطفي

ارحب يا الظور

ويعطيك العافية على القصة والأبيات الرائعة

ورحم الله الشيخ نخران والشيخ ابن شديد رحمه واسعه .

وبيض الله وجهك على الإبداع من خلال طرحك الثمين .

المشاركة الأصلية كتبت بواسطة شامانـ العاطفي

ارحب يا الظور

ويعطيك العافية على القصة والأبيات الرائعة

ورحم الله الشيخ نخران والشيخ ابن شديد رحمه واسعه .

وبيض الله وجهك على الإبداع من خلال طرحك الثمين .

المشاركة الأصلية كتبت بواسطة محمد ابن الشايب

.

سلمت يالظور ------ عوايدك العلوم الغانمه 0


الله يرحم امواتنا وامواتكم واموات المسلمين




هذولا الرجال اللي عليهم حسافه ---------- ماهو بجيل اليوم لا عاد طاريه




تسلم اخوي سعد ورحم الله شيباننا جميع انه سميع عليم


وراعي المنقود ماتكتب له العليا ولا يحصل عليها ولا هو من اهلها


والله مايضيع احد--------- الله يرحمه عوضه الله خير من معرفة ما وراها خير 00



تقبل حكاي وتقديري والسلام





.

المشاركة الأصلية كتبت بواسطة الظور

ارحب يابن الشايب

اشكر جزيل الشكر على المرور العطر

لاهنت ولاعدمتك