يشرفني الانضمام في هذا المنتدى الجزل وهذه مصافحه اولى اتنمى ان تنال اعجابكم:


[poem=font="Simplified Arabic,5,black,normal,normal" bkcolor="transparent" bkimage="backgrounds/40.gif" border="double,4,gray" type=0 line=0 align=center use=ex num="0,black"]
الفكر شارد وانا ودي ولاودي=والعمر محدود والانفاس محسوبه
وانا من العقل متعشي ومتغدي= والحمد لله نعرف الدار ودروبه
والله فلا اطمع بثوب مايجي قدي= يوم اكثر الناس دايم مسبل ثوبه
وش لي على اللقمه اللي في طرف يدي=ما اقدر عليها وهي ماهيب مكتوبه
كم واحد يحسب ان اللوم متعدي= واللوم غاشيه من راسه لعرقوبه
نتبع ظروف الزمن ونجيب ونودي= ونقوم ونطيح كل<ن> دون ماجوبه
مابين موج البحر والجزر والمدي= تبقا الثقه حاجة في النفس مطلوبه
حتى لو ان الظروف تسير في ضدي= لا بد ترجع ظروف الوقت مغلوبه
ورث ورثته ورثه ابوي من جدي= ماهين نفس ورا اللي ينفخ جنوبه
اعز نفسي وانا مانيب منحدي= الامر لله وباب الرزق من صوبه
اخوان يوسف من اصل الاب والجدي = خذوه مره وراحو به ولاجوبه
يبقا الردي في عيون الناس متردي= متوقي في لحاف يستر عيوبه
هذا وانا طول عمري ما انكشف سدي=عالي النظر والقلوب السود مقلوبه
نساير الوقت واثر الوقت متحدي= يطرح ويجرح ونار الموت مشبوبه
لا واعساها سحابة صيف وتعدي= الهاجس اللي يلوف القلب ويلوبه
احل وارحل ودمعي ماوطا خدي = حتى لو الروح مسلوبه ومنهوبه

وسلامــــتكــــم.[/poem]