مجلس قصيد
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت بوفا من تزرع الجود يمنـــاه=الواثـــق اللي ماتقّصـــر يمينـــــــه
لـــبيتها دعـــوة رفيــق ٍحسبنـــــــاه=نســل الرجال اللي تجيب الثمينـــــه
شهــم ٍوترقى للطويله سجايــــــاه=الجــــود طبعـه والكرم من يدينــــه
الطيب يفخـــر عندنــا لا ذكرنــــاه=والعـــز يشمل غايــــراتٍ دفيـنـــه
جيت ولقيت أرحب صفت في ثناياه=واللـــــي معــــه من طيبهم رافعينه
مــجلس قصيد وصــاين العـز سوّاه =يوم الشعــــر بعـــروقنا خــــابرينه
بالطيب يجمعنا وبالشـــــوق ننصاه=شـــوق القصــــيد اللي تزايد حنينه
والسيف منكــم لوغدا صعب مغزاه=شـــعره بحـــر يـــوم القوافي سفينه
فــــي مـــجلس ٍما قد تعزوا بمركاه=كـــود الــــعزيز اللي فعوله سمينه
يعسف حــروف ٍفكرت يوم تعصاه=وينــــوّخ ركــــاب المعــاني رهينه
ويقــــرا عزوم ٍفي ضـميره وتقراه=نظـــــرةشهـــم تشـهد عليها سنينه
ميــــر البلى لا صوّب القلب وأدماه=بعــــض العلوم اللي تشب الضغينه
هــــاك الــــوحيد اللي تفشل سواياه=ماهـــو من أصحاب العقول الرزينه
كلـــــمه نـــطقها مـــا تعدت شفاياه =مقيولة ٍ....أصـــل الذهب في رنيـــنه
والبنـــت تجمــح للمسيّر وتصــــلاه=الجـاهل اللي لجلها كـــــــــــارهينه
ماهـــــوبعيــــب إنك تصور معاناه =العيــــــب دمعـــــك لا يهل وتهيــنه
عقــــب الــــكرامه لا تـــلومه وتنهاه=ميــــت خفــــوق أما الــجسد شايفينه
القـــــاف واضح في رسومه ومعناه=والمــــال نــــاقص يا مدير الخزينه[/poem]
فيصل مهدي آل قطر
01-02-2006, 09:57 PM
مجلس قصيد
تعليمات المشاركة
العرض الشجري