[poem=font="simplified arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
وقفةٍ في مثل هالماقف تهيا=كلها للشعر تقدير وذرابه
القصيد اللي مثل طلق المحيا=يستوي لاهل الوفا وأهل المهابه
الرجال اللي بها صـدق الحميا=لابةٍ في صيتها ياحي لابه
العرب (قحطان) مافيها غبيا=ذكرهم موجود من عصر الصحابه
بالطرد ليا أمتطوا سرج العبيا=سباع نجد مطوعة سحم الذيابه
بالشجاعه شذرة السيف المضـيا=وبالكرم مدة أياديهم سحابه
المواقف طيب والشاهد هنيا=القصيد اللي على طيب ورحابه
[/poem]


[poem=font="simplified arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
طاب مردود البرا يا قاف هيا=دام ميقافك على العليا تشابه
حي من ذا علمه الغالي وحيا=من نهج للطيب لان الطيب جابه
جاك هملول المشاعر ما تفيا=لك عَليّ درايته وانت احتسابه
يا الرويلي لو طلبت الشعر عيا=لانك اساس الشعر توفي نصابه
من رجال صيتهم فوق الثريا=النجوم تغار منهم بالمهابة
بالمكارم شمس والهقوات ضيا=واعذاب اللي بيجهل واعذابه
المواقف شاهدة وانت الوفيا=بالقصيد اللي ينومسنا كتابه

[/poem]