نبدع قصيد من شبا السيـف هايـز
مـنـاهـل الـسـنـه مــــوارد عـطـاشــه
بـالـجـد نـحـمـي بـــه بـكـارٍ غـزايــز
ونضمـد جـروح العـرب فـي نقـاشـه
الافـعــال تـحـفـظ للـملـوك الـجـوايـز
وصقر العروبـة عالـي المجـد حاشـه
ونايـف ولـي العـهـد لأمــن الركـايـز
وسلمـان درع طــوق الــدار جـاشـه
والصـف واحـد عقـب اللـي يشـايـز
شعب وحكومه وابيض القلب شاشه
لانـه الـيـا مــن صــار رابــح وفـايـز
نسقـي الوطـن دم العـدا لانتعـاشـه
سـاس الجـدر معمـور قـبـل اللـزايـز
بالوقـت عقـلـك لا يـزيـد انــد هـاشـه
الـكـامــل الله كــــل وعــــده نـجـايــز
مـاهـو يـتـم النـقـص فـنـدم وبـاشــه
والوقـت لـو يقسـى بضعـف الغرايـز
احلـى عبـاره لأقسـى الوقـت ماشـه
تنعـاج عنّـا ارقـاب مـنـح الحفـااايـز
زودٍ علـى سااااهـر وقنصـة فـلاشـه
ان قالـو انـه منـه معالجـة كـل بايـز
وشـلـون اباحـوا فالـربـا والنجـاشـه
اللـصـق غطـوبـه عـلـى الـكـار قـايـز
وراحــت مواتـرنـا مــراح الـفـراشـه
وحـافـز لـبـاس للـوطـن كــان جـايـز
والله اكـبـر كـيـف خـاطــوا قـمـاشـه
بعد الوصيـه بالجنـف ويـش عايـز
لاعــاد ينـعـق العـتـب فــي هـواشــه
مايشوف حظه فالعـرب ويـش حايـز
وكـلاً عـلـى حـظـه يـصـرف معـاشـه
حـنــا عـرفـنـا وش عــلــوم الـبـرايــز
وصـل الطمـع للجيـب يأخـذ عراشـه
اربع مية متـر تكفـي لبيـوت العوايـز
واربــع مـيـة مـتـر مسـاحـة فـراشــه
ممكـن تجيـت صبيـرة السفـن دايــز
ماهو ضروري الضيف تذبح كباشه
حرفي ولامس جـرح ماهـي طنايـز
مـن هاجـس فالصـدر زاد اهتواشـه
يـعـيــش عـاهـلـنـا وشـعـبـه عــزايــز
كـل الـوطـن مــن وقفـتـه بانتـعـاشـه

__________________