" ياناس لو مات ابْن لادن وصحّت=وسائل الإعلام من قول وْباما "

(((((( مع احترامي لاختلاف وجهات النظر ))))))




[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا بوش والا ياكلنتن ووْباما=العز فالاسلام ماهو بأساما
مات النبي قبله وكل الصحابه=بالعز نبقى لين وقت القياما
الوقت يمشي والوقايع كثيره=كلٍّ يمشيها بحسب النظاما
لا صار في بعض المناطق مصيبة=صارت تشير اصابع الاتهاما
للقاعدة بالذات قالوا أسامة=كلن يوجه له كثير الملاما
الروس من قبل ومريكا بعدها=ماحْدٍ وصل له طول عشرين عاما
الأسْد تبقى لو تحس الغليبة=والله ما ترضى بريش النعاما
والكلب كلب ولو زأر ما تأسد=ما للشجاعة باردين العظاما
لكنّ من هالحادثة ماطرالي=غير النصيحة للقلوب النياما
يا قلب من غفلتك لازم تصحصح=الى متى وانته بحلو المناما
ياقلب لا تنظر سلامن مزيف=الدود ينهش في جناح الحماما
غطت علينا صافيات المرايا=مانْشوف غير "الوضع دايم تماما"
ماوْصيك غير انك تمسك بدينك=وْتمشي على حله وخل الحراما
واعرف ترى فالناس غاوي ومدّل=والفرق واضح مايبيله علاما
ياناس لو مات ابْن لادن وصحّت=وسائل الإعلام من قول وْباما
واجب على المسلم تجاه الأخوّة=يدعو له الرحمة وحسن الختاما[/poem]


الإثنين 28 / 5 / 1432هـ الموافق 2 / 5 / 2011م