هذا الزمن غدار ؟؟؟

[poem=font="Arial,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هذا الزمن غدار والغدر موجود=مر ٍيفرحني ومر ٍ مراره
لاناشد ٍ عني ولا عنه منشود=قام يتشيطرغير مهنا شطاره
وحبل الشقا والهم والعنف ممدود=حتى بناله وسط قلبي وزاره
واسس قواعدها بلا راي وحدود=وعلى بنات الفكر صدَر شعاره
ممنوع لاتهرب وممنوع لاتعود=سجين مايعرف بليل ونهاره
وقفل مخارجها وجند له اجنود=اجنودتمسك كل ليل ٍ خفاره
تصلب معاليقي بلا ذنب وشهود=لمراع ٍ جيره ولاحق جاره
متسلط ٍ ماقدوته غير نمرود=اللي رماه الله وضيّع وقاره
امضايق ٍ صدري وحاشدله احشود=ودّه يفجر كل يوم ٍ سفاره
متجاهل ٍ ماكان من حلف ووعود=ومغير ٍ في كل ساعه مداره
وفكري حفر قبر ٍ وسيع ٍ وملحود=وقال الزمن دوبه ودوب النعاره
خل الشجاع اليوم تنخربه الدود=وترمي عيونه بالرمد والحجاره
روّح زمان العرف والطيب والجود=غدربهم ابطعنتين من شفاره
وبنا العلاقه بين حاسد ومحسود=ومايوقد النيران غير الشراره
هذا الزمن غدار والسيف مجرود=على رقاب اهل الوفا والطهاره
يالله يللي نزهمه خير منشود=انك تبعدنا عن اهل الخساره
العمر لبن آدم موفّى ومعدود=وموتى الفتى ياتيه دون اختياره[/poem]