اسعد الله جميع اوقاتكم بلخير والمحبه
ابيات متواضعه اتمنى ان تلامس ذوقكم الرفيع
مابين نيران العتب والشوق في قلـب " عليـل
............اسهر وانا كلي عنا واعزف همومـي بلحنـي
اصبر على جور الزمن وإن مال وقتي ما اميل
...........واضحك وانا كثر الشقاء والهم فينـي هدنـي
يومي غدى ماله طعم ذي حالتي لي كـم ليـل
.............اتعبت عيني با السهر واتعبت فكـري وابدنـي
يازين لو طال الزمن عشته وانا عابـر سبيـل
...........امشي دروب اهل الوفاء ولغير ربي ماانحني
يازين ماعشت العمر مابين قـال وبيـن قيـل
............واهرج القفى واهل القفـى ماهنـي ماهمنـي
يازين ذا طبعي كذا عاشق وانا رجـل " ثقيـل
............الزين بلعين اعشقه ولا كـل بنـت " تشدنـي
يازين ما ارخضتك ولا فكرت ادور لك بديـل
..........لاهوب ضعف ولا ردى ولاهوب من قل البني
جيتك غريب " غربته بعد وشقاء ودرب " طويل
...........ولقيتك احساس" وفي واصبحت كلك موطنـي
اخطيت!! وتدري با الخطاء والعقل للعاقل دليل
.............وش فيك قلــي شسبـب للبـعـد ليـه تحـدنــي
كنت انتضر منك العذر واثرك تدور للرحيـل
............وانا ماجيـت اتطّـلبـك واقـول تكفـــى حبـنــي
تدري غلاك بداخلـي مالـه شبيـه ولا مثيـل
............لاشـك انـا وش حيلتـي لاصـار قلبـك مـلـنـي
دون الكرامه يا غلا لاأرضى كثيـر ولا قليـل
............لو اشرب السم بيدي واقبـل لموتـي بكفنـي
إن عشت عشت بعزتي وإن مت ماقالو ذليـل
...........وإن مامدحني صاحبي اقفـى وهـو ماسبنـي
يازين اختر ماتبي ياصاحب الرمـش الكحيـل
...........يامـا اخـذنـي حـب وغـلا والا توكــل خلنــي
وسلاامتكم
20-12-2004, 03:30 AM
نيـــران العتـــــــب
تعليمات المشاركة
العرض الشجري