يكفي عتاب وصد @ خالد الجروي

بسم الله الرحمن الرحيم

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يكفي عتاب وصد يا محجر العين=تعال نبدا اليوم صفحه جديده
في حب واحد نقدر نلم قلبين=ونقرب الخطوه لو أنها بعيده
عمر الحسد ما يسعدة فرحة أثنين=شمس الوصل سم" يقطع وريده
حسادنا واجد وأنا وأنت يا زين=نقدر ندمر كل نفس" بليده
يالله تعال نغوص بحر المحبين=بأصير سيده وأنت بتصير سيده
فَيْ الهجر داكن ولا له براهين=يخلي السيدان سادة عبيده
من قسوته تذبل ورود البساتين=حتى النخيل تموت خضرة جريده
وشلون لا تاه بظلامه حبيبين=يسمع صدى صوته ولا يمسك أيده
تدري وش علاج القلوب المشاحين=ووش درعها إللي ما يصدي حديده
وصل" بلا فرقا تغزله شرايين=بأحساسها والحب ينصب ميده
وتدري وش أللي فالحشا كنه سكين=صبر" من الفرقا يكمل رصيده
لو يسمع السجان صوت المساجين=ما كان قلبي ما بعد حل قيده
مغبون وبداخله كومة مغابين=مضرب عن أسباب الحياه السعيده
يتصنع البسمه لحزنه عناوين=عايش مع العالم وهو أصلا" فقيده[/poem]