[poem=font="Simplified Arabic,6,black,bold,normal" bkcolor="transparent" bkimage="" border="solid,medium,sienna" type=2 line=1 align=center use=sp num="0,black"]
يالادانه يالادانه يالادانه داني=ويالاداني ويالاداني يالاداني دانه
شاعر ٍ متورط ٍ مع واحد ٍ ديـّاني=والله أنه لايعيد الدين والديـّانه
أبك انا من قشر حضي طحت فالسوداني=واحد ٍ قبل أمس شارن يافهد طليانه
كل ماهل الشهر والا انتصف ينصاني=وابتلشني بالدراهم وانطلق بلسانه
مايسويبه سواته واحد ٍ نصراني=لو ذبحت ابوه والا ذابح ٍ ورعانه[/poem]


[poem=font="Simplified Arabic,6,black,bold,normal" bkcolor="transparent" bkimage="" border="solid,medium,sienna" type=2 line=1 align=center use=sp num="0,black"]
مثل ماقال الدليهي والكريم معاني=الله انه لايهين الكفو في ضيفانه
المحينيش اشتكى والعلم قبله جاني=يوم كانوا لادخلت السوق قالوا عانه!!
كنّي اوزع بخاشيش العرب مجّاني!=راتبه يكفيه ويوزع على جيرانه!!
هذي خمسميه تروح لمطعم الافغاني=وميتين تروح للهندي على دكانه
والف وميتين معطيها طبيب اسناني=يوم ركّب صاحبك سن الذهب باسنانه
كاشخٍ بالسن ويحسدونه الشيباني!=كل واحد فارشٍ طقمه على ذرعانه
يوم انا والراجحي كنّا ثنين اخواني=مايفرقنا الزمان وفرحته واحزانه
والبطاقه محْتجزها واحدٍ قوماني=يسحب اقصاده وانا آشوف الرصيد وزانه
لاخذا حقه عطاني شي ما كفّاني=قال عبّر نفسك بهذي ومعك آمانه
لاتعامل لابغيت الدين واحد ثاني=والتفت للي على المكتب ومد لسانه!!
شاقني طاروق نايف لين جبت الحاني=شاعرٍ غالي وانا آحبه واحب الحانه[/poem]


[poem=font="Simplified Arabic,6,black,bold,normal" bkcolor="transparent" bkimage="" border="solid,medium,sienna" type=2 line=1 align=center use=sp num="0,black"]
مثل ما جاب المنيعي فالمقال الثاني=جيت عاني والمعّنا يالمنيعي عانه
جبت الابيات الطريفه كلها مجاني=والله اني مارجيت ريال ولاّ لبانه
وش حدا سرحان للمرقاب ياسرحاني=من صدوف الوقت عين الذيب في كرعانه
يوم شال البندق الشاوي ورد الشاني=مال ظل السدر من ميل الدهر واغصانه
يازمانٍ شيّخ العميان والعرجاني=والغناوي مكسب رياله على حقرانه
والبصير اللي تبسم في عيون الجاني=يرفع الحاجب وياخذ فالمناصب خانه
والله ان الوضع مزري والفقير يعاني=البسيطه من رهاها عدها عطشانه
لا تسابق شيب راس الورْع فالجيلاني=فاطلب الله في قنيفٍ عايمٍ ربانه[/poem]

__________________