يا صاحبي

تصميم عن الصداقة واتمني ان يعجبكم








يا صاحبي وشفيك قاعد لحالك... ليش انت متغير و مشغول بالك
صارحني قاسمني عاناَك و همومك.. ما أطيق أشوفك متعب القلب حالك

يا صاحبـي ضاقــت علي الليــالـي باللي شغل قلبي و فكري و بالي
خوفي أسولف و أخسر إنسان غالي يا أخسرك أو أخسر اللي في بالك

يا صاحبي وشفيك .. يا صاحبي مهموم .. ما أطيق أشوفك متعب الهم حالك


حيرتني و احترت باللي تقوله... وان كان عندك سر بالله قوله
ما عاش من يخسر غلاك بسهولة ..ولا عاش من يقطع بعمره وصالك
خايف أقول و اصطدم إحساس قلبك .. واحد لعب بي بالغرام و لعب بك
هو حبني وانتَ تفكر يحبك .. لاهو في الحب ولا هو فالك
ياصاحبي وشفيك يا صاحبي تعبان ما أطيق أشوفك متعب الهم حالك

يعني انا و أنتَ بهالحب ضعنا,, و اللي نحبه يا حسافة خدعنا
مثّل غرامه و أتقن الدور معنا.. و الغدر طال إحساس قلبي و طالك
هذا اللذي هو صار بينك و بيني .. و أسهر عيونك في غرامه و عيني..
كلمة أحبك هي تجيلك تجيلي ... و الشوق نفس الشوق جاني و جالك..
ياصاحبي وشفيك .. والله تعبان.. ما أطيق أشوفك متعب الهم حالك..

يا صاحبي مهما تكون الحقيقة .. لو تشتعل في القلب مية حريقة
أنا من اللي صعب يخسر رفيقه .. لاجل المحبة أو أبدل بدالك..
وانا من اجل الحب ما أخسر رفيقي .. ولا أغير عن طريقه طريقي..
و اللي جمعني معك حبٍ حقيقي .. لك ما تبي حتى حياتي فداك..
يا صاحبي وش فيك .. لا لا لا يهمك.. ما أطيق أشوفك متعب الهم حالك..

يا صاحبي وشفيك قاعد لحالك ..ليش انت متغير و مشغول بالك
ياصاحبي ضاقت علي الليالي.. باللي شغل قلبي و فكري و بالي

__________________



توقيع مؤقت