[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يازماني والله ان ماني خير=صارت ضروفي علي متحاديه
هب يا يوم(ن)عبوس(ن) قمطرير=لو غدى ما جروح قلبي بغاديه
عقب ما راح العشير من العشير=وأصبحت نظراتهم متعاديه
شمت عنه شومة أبناء الزبير=عن خطب بن يوسف المتماديه
وما تندم لو يصير اللي يصير= ولو يقل شاعر يهيم بواديه
علموه اني عن أمثاله كبير=عله يحاول يصفي راديه
و علموه ان الرغى عقب الهدير=عيب عند الحاضره و الباديه
وكان يبغى يمثل الحب الشهير=في فيلم (عبد الحليم وشاديه)
لو عيونه سيف ورموشه جفير=ما يأديها بنفس التاديه
(ناديه الجندي ) مع اللبس القصير=ما اذكر لأحد(ن) قال عاشت ناديه
والله اني أعرفه بالحيل غير=أطبخه في وسط نار(ن) هاديه
لجل بكره يعرف ان توه صغير=مايدل الخاطيه والقاديه
سجلوه اقصاء للامر الأخير=لين تأتي العاديه متهاديه
وكان خنت العهد أو هنت الضمير=أحرموني عزوة المناديه




عوض بن شفلوت المناديه [/poem]