السلام عليكم ورحمة الله
اطرح لكم هذه الابيات التي اعجبتني وهي تحكي ان رجلا طلب من جاراً له ان يوصله الى ما يريد حيث انه طلب منه وبداء جاره بالاعذار الغير صادقه واليكم ما قاله شاعرنا عن هذا الجار ........

يالـي تصـد وصدتـك دون تبـريـر
خسارتك يا هيه ما هـي خسـاره

خسارتـي شبـل الرجـال المغاويـر
اليا زهمته جـاك دون أستخـاره

والا أنت مـا تسـوى شويـة دنانيـر
وممشاك للرجـال يعنـي دمـاره

يعني مامنك خيـر يالله عسـى خيـر
وجهك من الأفلاس بيـن غبـاره

أتـدوج أمسيـان وحيانـاً أعصـيـر
وما عندك ألا تكـرخ أم الزقـاره

والي تبيـه أيصيـر والله مـا يصيـر
لني أحشم الراس واحفـظ وقـاره

لامـن بغيـت أروح بلقـى مناعـيـر
ألا لقيـت مـن المناعيـر حـاره

ألا على طاري المراجل وش أيصيـر؟
لامن عرفت أنسـان هـذا شعـاره

جنـب أماشاتـه وخلـك مـع غـيـر
خلك معى واحد أعلومـه شطـاره

الله على واحد ماهـو مـن المشاهيـر
ألا علـى روس المشاهيـر شـاره

لا قلتله تكفـى كفـخ كفخـت الطيـر
تكفى تهـزه هـز وتشـب نـاره

يجيـك كلـه منـدفـع دون تفسـيـر
ويشنلـك غـارات ويـرد غـاره

ما يحسب أحساب الفقـر والمخاسيـر
لو يذبح أعيالـه علشـان جـاره

لاهـوب لا هافـي ولا منـه تقصيـر
ولا تعب الرجلين في طرد ساره

هذا ولـد خالـي علي دون تفكيـر
كاسب جزيل المدح طيب ونماره

في كسب قولة (نعم) ضارب مشاوير
ومعمراً طيبع عماااره عمـااااره

وفي هدت النوماس يغـري الصقاقيـر
وجودلك بالطيب بـاول نهـاره

وياهل الجيـوب الـي عليهـا مداويـر
أنصو أبو محمد وخلو الـدواره

ردو الخبـر عنـي بـلا أي تأخـيـر
قولوله أنت أنسان تسوى تجاره

يعني عساك بخيـر .. ياواحـداً غيـر
والحر يفهم مقصـدي بالأشـاره