[[ راكان بن حثلين ]]

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
حمزة مشينـا مـن ديـار المحبيـن=الله يرجعـنـا عليـهـم سلـومـي

مشوا بنا العسكـر لـدار السلاطيـن=في مركـب جـزواه تـرك ورومـي

عشرين ليـل يمـة الغـرب مقفيـن=ماحن نشوف إلا السمـا والنجومـي

والنوم يامشكاي مالاج فـي العيـن=والقلـب ياحمـزة تزايـد همومـي

مـن الخداعـة واحتيـال الملاعيـن=هيهات لـو انـي عرفـت العلومـي

هيا اركبو من عندنـا فـوق ثنتيـن=وخلوا نجايبكـم مـع الـدو تومـي

لازوعن بالوصـف مثـل القطاتيـن=تبغى الشـراب ولايعنهـا السمومـي

اليا اصبحن كنهن جريـد البساتيـن=نحال مـن كثـر الحفـا وارثومـي

تلفي على ربـع عساهـم عزيزيـن=اهـل الشجاعـه والكرم والعزومـي

ربعي ضنا مرزوق بالعسـر والليـن=لطامـةٍ للـي عليـهـم يـزومـي

عجمـان لا رد الـبـرا للمعـاديـن=حريبهـم مـن همهـم ماينـومـي

يوم الخيانة ليت هـم لـي قريبيـن=من فوق زلبـات تبـوج الحزومـي

وليا تعلـوا فـوق مثـل الشياهيـن=مركاظهم يشبـع وحـوش تحومـي

نـوب سلاطيـن ونـوب شياطيـن=وكم شيـخ قـومٍ توهـم مايقومـي

يالله ياقـابـل ســوال المصلـيـن=يا اللي له التقدير فـي كـل يومـي

انـك تثبتنـا علـى الحـق والديـن=وانـك تـروف بحالنـا يارحـومـي

وعسى مقابيـل الليالـي لنـا زيـن=مـن عقـب مانوسـن العلـومـي

وصلوا على اللي وضح الزين والشين=وشيد منار الدين واعلـى الرسومـي [/poem]





[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
لاواهني ياطير من هو معـك حـام=والا أنت تنقل لي حمايـض علومـي
إن كان لا من حمت وجهك على الشام=بيسر مغيب سهيـل تبغـى تحومـي
بكتب معـك مكتـوب سـرٍ والآلام=ملفاه ربـع كـل ابوهـم اقرومـي
سلـم علـى ربـعٍ تنشـد بالأعـلام=لا واهني من شافهـم ربـع يومـي
ومن سايلك مني فأنا من بنـي يـام=من لا بةٍ بالضيق تقضـي اللزومـي
ربعي ورا الصمان وأنـا بـالأروام=من دونهم يزمـي بعيـد الرجومـي
ومن دونهم حوران ضلـعٍ بعـد زام=دارٍ أهلهـا مـا تعـرف السلومـي
حال البحر من دونهـم لـه تليطـام=ومن دونهم مايـات مـوجٍ تعومـي
من عقب ما سيفي على الضد حطـام=اليوم سيفـي جادعـه كنـه شومـي
صارت سوالفنا معي مثـل الآحـلام=مالـي جـدا ياكـون عـد النجومـي
لا من ذكرت رموس عصر لنـا دام=قمـت أتملمـل والخلايـق أنيومـي
ياالله ياللي طا لبه مـا هـو يضام=تفرج لشخص لاجـي عنـد قومـي
الله مـن عيـنٍ لهـا سبعـة أعـوام=تسهر وتبكي مـن كثيـر الهمومـي
الحال بـاد وباقـي جسـم وعظـام=كنـه مريـضٍ واقـعٍ ومحمومـي
وقعت أنا في ديره مـا بهـا إسـلام=والبن الأشقـر مـا يـدار معدومـي
سجين سجـن ولاجـيٍ عنـد ظـلام=ودوني بحور وبالحديـد محزومـي
والجفن يسهر تالي الليـل مـا نـام=ومن جملة الكيفات صرت محرومـي
وعزي لمن مثلي عليه الدهـر هـام=مقصور رجل ولا جزع ما يشومـي
وصلاة ربي عد من يلبـس إحـرام=وإعداد ما تـذرى ذواري سمومـي
علـى نبـي خصـه الله بالإكـرام =على جميع الخلق صـار محشومـي[/poem]

__________________