السلام عليكم ورحمة الله وبركاته

في البداية أبارك لشاعر العرب وعملاق الشعراء الشاعر محمد بن نغموش القحطاني لحصوله على أعلى درجة في مسابقة شعر العرب والذي نسأل الله أن يوفقه وجميع المشاركين من شعار قبيلة قحطان لما يحب ويرضى ،

لا أريد أن نطيل عليكم

إليكم العملاقة





[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
لو نفرض إن الشمس محجوب نورها = وكل الكواكب قايمات بدورها
وش هو النهار بدون شمس تنوره = إلا ظلام لين يبدا ظهورها
كواكب حتى القمر في فخامته = لولا انعكاس الضوء ما بان نورها
وقصيدتي شمس من افكاري اشرقت = يشع نور المعرفة من سطورها
تليق بالسامع وترقى لمنصبي = وفي لحيتي ضمانها من كسورها
واللي يشوف ان ماهو بقد منصبه = يعطي فرص للناس تثبت حضورها
متوكل بالله وانا ابني فريدتي = واخترت من الاشعار اهدى بحورها
ونقشتها في صلب ذهني من الغزل = نقش المدائن في جلامد صخورها
وانا مطوع والمطوع اذا عشق = يوفي ولو دنياه تبدي دبورها
ولا لخضراء الدمن في عواطفي = رغبة ولو رشت علي بعطورها
حبيبتي سمرا ملكني سمارها = متواضعة في ثقلها وفي غرورها
في خدها خال بياضه كما اللبن = واسود من زود البشر في فجورها
أزورها ماقصد مكاء وتصديه = ما ازورها الا لن قصدي أزورها
كم مرة من محبس الجن جيتها = وكم دورة من حولها قمت ادورها
ويا كم سجدت بجبهتي عند بابها = يا لله ترزقني جنانك وحورها
حبيبتي حبيبة أهلي ولابتي = اللابة الي وافيات شبورها
والهيكل المزعوم للي تزعمت = نشر الخرافة ثم تبني جسورها
قالت عزير بن الله الواحد الأحد = يا ويلها من مقترفها وزورها
(والله أعلم (وين) يجعل رسالته) = فاختار من بين البرية حصورها
الفتنة إذا جات حمرا مدوية = لا تنظر الفتنة وناظر بذورها
تلقى الخبيثة باذره بذرة لها = وتشاركك حزنك وتخفي سرورها
الشجرة النجسة اذا أعجبك ظلها = الله يلعنها ويقلع جذورها
شاؤول جاء للحق وأعمى بصايره = ومتّى ويوحنا توفي قصورها
تعلق الناسوت وهم على وهم = والقوم بالاهوت تمشي أمورها
والأم مسكينه وعذرا وطاهره = ولا نشكك في نقاها وطهورها
لا هي توفت واستراحت من العنا = ولاهي لقت شخص يجبر كسورها
هي كافرة فازت بعدل يسودها = والمسلمه تهزم من أسباب جورها
عمر قرير العين مخدته حجر = وكسرى وقيصر ترتجف في قصورها
( عدلت فأمنت فنمت يا عمر ) = ختم على الدنيا لآخر عصورها
عمر بشر وحنا بعد يا بشر بشر = مير الفوارق للبشر في صدورها
غرق الضمير الحي قي القلزم البري = من قبل ما تفنى السلام بعبورها
وحن نبي من اهل الطبابة لنا حقن = تحيي ضماير بعضنا من ضمورها
فجتنا حقن بلغاريا عند ليبيا = لاطفالنا اللي جاهزات قبورها
وجحا معه مسمار في كل منطقة = دمر علا شانه بلاد ودورها
واللي رفع ضغطي ضعاف تناقزت = تبغى تعشى والعشا من ظهورها
بذتني الفيران من حول منزلي = تخرج على الجبنه وترجع جحورها
عطفا على ذي بدء يعني حبيبتي = روحي لها سور حوالين سورها
وان كان طفل العصر يقلد ابرهه = يخسا وتخسا اللي تقوده بشورها
حيوا السعودية بلادي ومرجعي = وانا لعداها شوكة في نحورها
وحيوا الخليج وكل مسلم ويعربي = حتى ولوني ضايق من فتورها
عتب محب والا انا في صراحتي = ما ابغي آذي أحبابي ولا اجرح شعورها [/poem]



القصيدة نالت إعجاب أعضاء لجنة البرنامج بقوة ونسأل لشاعرنا وشعار قحطان التوفيق والنجاح

وعلى اثرها أتت هذه الأبيات من بعض الشعراء كبار الشعراء إعجاباً بها :
وهذه أبيات للشاعر الكبير الأستاذ عبدالكريم القحطاني الحائز على جائزة أبها في الشعر الشعبي يقول فيها معجبا بالقصيده :




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
يسلم جنابك يالسفيـر ابـن نغمـوش = يا لايق أنـواط الشـرف والصـداره
ياشاعر تزهى به الروس وتشوش = يالي ورى الصمان يوضـي فنـاره
لو لازمك في عاصمة دبليو بـوش = عيـب علـى الـي مـا يجيـك بقـراره [/poem]





هذه أبيات للشاعر الدكتور شالح بن سفران الخنفري :



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
تستاهل الناموس ياطيـر حـوران = يــا منـومـس ربـعـك وكــل القبيـلـه
أبوك سمي نغموش والجد قحطان = لاقيـل يـا نغـمـوش مــا فـيـك حيـلـه
تستاهـل الأول والأرقـام بـرهـان = حطمتـهـا والنـاتـج أعـلـى حصـيـلـه [/poem]









للمعلومية ( لن يعجب بهذه القصيدة إلا من عنده شاعرية قوية وفكر وثقافة جيدة )