[poem=font="Arial,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
القضايا والدعاوي كلها =ماعرفنا دقها من جلها
لين شفت القلب والخاطر هدر= والنّس الجمره تحتنا ملها
بيض الله وجه ابو عبدالعزيز =ماتضيق الا لقالي حلها
يوم جاني العلم في تالي العصر=رحت لبعير الشدايد شلها
قلتله موضوعنا كبر وخطر=ضربة مني تبين زلها
ماهقيت ان الامور اتعقدت =لين شفت آنا المزون وهلها
ثم شعرت اني مقيّد كالسجين=والقيود اللي بنا من حلها
ماطرالي غير ابو وجه ٍ طليق=اللي لاكبرت علينا ذلها
وشهد ٍ الحمل ماشاله ضعيف= كان كبرت جالها كفوٍلها
رحت لمحمد ومن غيره عوين= وعتزالي عزوة ٍ ثم علها
قال ابشر بالسعد وآنا اخوك =والحلوق اليابسات ابلها
والخصيم اللي نوالك بالردى=قدمه اسيوف ٍ تلامع سلها
ان لعن شيطان بقعى وستراح=فايدة نفس الشقي واحسلها
رحت منه يوم همي انجلا=وشجرة المعروف يبقى ضلها
وتصلبي قال خصمك انثبر=ونعرف ريحانها من فلها
الدعاوي كان كبرت يارجال =مالها الا العارفين وملها ؟[/poem]