ذكريات ابن القريه

كانت احلامي القى في الشجر عش طير
وكــانت اكبر همومي .. لو تضيع الغنم

كانت وسادتي خيشه وفرشي حصير
بس كانت قنــاعتنا...... بمـا هو... أهم

كنت لا شفت حـــرمه تستقي من غـدير
شحت بـالوجه عنها . . لانهـا بنت عم

كان حتى مشــاعرنا والا حســاس غير
ما عرفنا الغــرام ولا حكــاوي الـــوهم

جيت يــاهل المدينة مقصدي كـــل خير
جيت كلي عذاب .... وجيت كلي عشم

جيت وآنــــــا معي من ذكريـاتي الكثير
كثر ما بـــالقدم من شوك خــلف البهم

جيت من غربتي حافي وعاني المسير
مـــا معي الا السواك ومصحفي والقلم

جيت وانا عــزيز النفـس .. قلبي كبير
مـــاكسرني في الدنيــــا .. شديد الالم

جيتكم غير عيبي ..... كان جيبي الفقير
جيتكم غير مـا حصلت.... موضع قـدم

كل شي عندكم موضة وعمـــره قصير
من يجي عندكم ماشاف .... غير الندم