للشاعر سعيد بن واحش...


يا خاطري كل ضيقة ٍ مبروجه

والله على جيش التحالف قاوي

لولا السنين الماحلات العوجة

ماكان ميزنا الملي والخاوي

و(البيت الابيض وان علا ببروجه )

ينهد فوق الغاوي ابن الغاوي

اللي تحكم فالدول بعلوجه

رش الذباب يرش بالكيماوي

يا هيه ياللي راكب المسروجه

بالله وين من المنازل ناوي ؟

بالله اذا انك رايح (الفلوجة

سلم على (ابو مصعب الزرقاوي )

واهل الجهاد اللي ذوو في فوجه

اهل اللثايم والسلاح الطاوي

نور القتال وشعلته وسروجه

قبر الصليب وجيشة المتهاوي

لبى عيون الماجده المغنوجه

بنتٍ نسيبه واخت ذيبٍ عاوي

فلت جدايلها كما المرجوجه

وطلت بوجه لكل زين حاوي

تلفح عبايتها بوسط الهوجه

بين النشامى والرصاص الضاوي

تهيض رجال وسيوفٍ عوجه

لبى العزاوي والجديل الراوي

ولبى العراق ونخله ومنتوجه

ونهرٍ الى منه جرف ما ياوي

وارض غدت برجالها مسيوجه

لاهل العدا سم وطريق لاوي

ولاهل الهدى وادٍ وساع فجوجه

مرقاب راسه والشرف متساوي

واسمائهم فوق االسما مدروجه

ولهم عليها عزوةٍ ونخاوي

واللي تسلط واعتزى بنعوجه

ماله سوى ضرب الشطير الكاوي

لو يعجبك بمزبرقات هروجه

فلنا مع كل الجروح مداوي

رجال توطا رجله العروجه

غارب جيوش البيرق المتهاوي

لكل جيش عندنا (فلوجه )

ولكل بوش عندنا (زرقاوي )

ياسعدهم اللي ذوو في فوجه

وياخيبة اللي قايده (علاوي )