ألي في الزاويه كنه يتتن على قولة القصمان





أبو عصام

وشهو ذا ألي على السفره متطرف في الزاويه ألي تحت يسار ونت طالع من الدوار

عسا ماهو بقرع؟؟؟


أذكر يوم ونا عى خط الثمامه

أنقلب توي راعي كرلا

ماعلمت ألا وهو راكب الرصيف

ونه يقعرها على الخط

المهم أنا أول من حاضاه

أدور في جنب أبي أطلعه

ماعلمت ألا وهو طالع من الجنب الثاني

وثاريني على باب الراكب والسياره مقلوبه

المهم

أسحب فيه أبي أطلعه ومن الربشه وخوفي عليه والله العالم

المهم وني أندر ذيك القرعه

وليها مكسورة من جنب ومخوشة شوي

وغصف حن على أنوار الشارع الصفر

والناس ألي يفزع ولي يدوشك بالهدره

المهم حسبت أنها وصلةمن راعي السياره ياراس ياعفاس

يا مدري وشهي

ويوم قلبنا السياره نبي نعدلها

وليه أملاها قرع وملفوف مدري وش سالفة راعي السياره

من بعدها ونا لاشفت القرع <<<<<_ علماً أني ما أشوفه ألي في سوق الخضار لا أكله ولا أعرفه_

ما أنبسط لرؤيته


((((( الله يعز النعمه ويديمها ويحفضها ويكرمها )))))


خلصت القصه

ترقبونا في الاعداد القادمه


أريقاتو

__________________



لأستشاراتك القانونية أضغط هنا
لوجه الله تعالى