قعدنا على البرسيم تسعين ليلة

هذي قصه قديمه كانت جدتي الله يرحمها تتحكيها لنا...

وهي قصه حقيقيه مو خيال ..

كان فيه واحد ولا واحد الا الله ومن عليه ذنب يستغفر الله...

كان فيه رجال طيب ودين يبغى يروح الحج وله بنت مسكينه
مالها في الدنيا غيره واحتار في امرها
ان خذها معه يخاف عليها من الطريق وقطاعه
وهي ماتطيق تتحمل طول الطريق...
وان خلاها فما يستامن عليها ..

فيه واحد من الجماعه يبغى يحج وسمع بالرجال الاول_ابو البنت_
وعزم عليه انه يتخاوون للحج وبنته بيحطها عند اهله
وهي في ايد امينه عند مرته حتى يجي ابوها..

ابو البنت لهي وخاف على بنته
لكن الرجال الثاني ترضاه وخبره ان مرته خيره وبنت اجواد
وان شاء الله ماتقصر عليها....
كن الرجال الاول رضي وتطمن...
ودع بنته وهو يبكي وهي تبكي....ور اح للحج.

البنت الضعيفه قعدت مع واحده الله يسلط عليها...
جباره لا تاوي ولا ترحم بنت حرام...
قتلت البنت بالضيعه..م ن البير الي الحطب الى الحويق...
هدت جهدها وحيلها واهلكتها بالجوع..

ماتجد مايحفي وتسد به جوعها...
ولا ترقدها الا في السفل مع الهوش..
وخذت في الرخاصه والجوع لين ماتت...

يوم عود ابوها من الحج ودرا ان بنته ماتت
بكى لين تنخشت عيونه غبن وغش على وحيدته..

وسال عن موتها ..قالوا مرضت
وطلب يورونه من حين قعدت وعاشت ..
ولقي في مكانها هذي القصيده//


الا يابتي شااوان ترى الجوع سبتي /// مع حرمة من خاينات الودايعي

قعدنا على البرسيم تسعين ليلة /// كلينا من الزقوم ماسد فاقتي

صبرنا لحكم الله ياعين فاصبري /// مع حرمة من خاينات الودايعي

لا نحن طلبناها ولاهي هبت لنا /// وهذي طبوع اهل النفوس الرفايعي.



وعرف المسكين ان بنته ماتت من الجوع وليس من المرض مع من خانت الامانه

وعقبتني عليكم العافيه.....ودا عة الله

منقول__________________

__________________


( لمراسـلتنـا اضغط هنا )