عيون الشعر النبطي....

[frame="9 80"]«®°·.¸.•°°·.¸¸.•°°·.¸.•°®»هذه القصيدة تعتبر من عيون الشعر النبطي ..... من الشاعر فراج بن ريفه القرقاح من أبناء عبيدة قحطان ...من قبائل الفهر عبيدة ....قالها الى الشيخ ابن شفلوت يقول فيها :«®°·.¸.•°°·.¸¸.•°°·.¸.•°®»

[poem=font="MS Sans Serif,5,darkred,bold,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
قال ابن ريفه بدا في المراقب العالي = وأعلا المراقيب تومي به هبايبها
يامراقبي جاك من الأسبار همالي = أنصوب مزن من المنشا يهل بها
مايدهله كون صافي الريش ولوالي = والا الولع يفنك في عجايبها
عليك يامراقب جيته وأنا سالي = هيض على القلب ديرانا شطيت ابها
هيض على شدوق والثفن لا سالي =عطفت ((طريب )) لينا زافت عجايبها
لامن غدا الفيض كنه زرع عمالي = سليه من القدم للبطنان ناهبها
كم مرة قد نزلنا عشبه المالي = ببيوتنا لاوزا المجرم يلوذ ابها
ننزلة ببيوت عراف وجهالي = وان جاء النذر من حفيف مانزهبها
ربيعي ((عبيدة)) ليا جاهوش وقتالي = هل هيه في الضحا تشعا كسايبها
أنشد (( عبيدة)) هل الطولات من حالي = وأنشد الأجانيب يوم أنا نقربها
منهو يقلط على فرشٍ وفنجالي = سعد ابن عمه ليا جاته مكاربها
لامن غدا بين ناقض وفتالي = وصفت لأجانيب وأذته بطلايبها
ثم جيتهم ثم لفحت بهم على الجالي = لفح الدلي للمعدي يوم يجذبها
وياراكبا ميمونة في مشيها ارمالي = مايشتحن من هل العيرات راكبها
تزهى السفايف وتزهى الخرج وحبالي = ومجرب لا سرى في الليل صالبها
ملفاك من يلبسون الجوخ والشالي = ربعي ودرعي وضد اللي يحاربها
ملفاك شيخ القبيلة حامي التالي = عند ((بن شفلوت))يالمنجوب قربها
قله علي طالت المدة وأنا ((جالي)) = عشر ((اسنوات)) مضت بحساب مقطبها
فان كان ربعي نسوني ماني بغالي = باعيش في ديرة قفرٍ جوانبها
في أيدي قرار تكف الجمع لا انهالي =طويلة ناحلاً مقاضبها
شريتها بالثمن يوم أرخص المالي = مائه وعشرين مايمهل بغايبها
الله يرحمك ياعودٍ شرا هالي = من وحدٍ جابها للسوق جالبها
حديدها واذكر الله كنه اريالي = كن الحيايا تطوى في مقاضبها
بنت غراها زبادٍ في أيد دلالي = والا طموح هواها من يلاعبها
أقف بها بين ربعي وأمنع التالي = لا خاف ولد الردي ماأحتال يزهبها
كم مرة قد ضربنا منجم خالي = وكم جملة فرقتها من ربايبها
وليالفونا من المقناص زعالي = أحد مدح بندقه وأحد يعذربها
بشرتهم بالعشا من عقب مقيالي = القايدة مع مرد الكوع ضاربها
أضرب بها الوعل لا جاله تهنفالي =أبو حنية كبير الرأس شايبها
ذبحت عشرة بها والظل مامالي = والحادية روحت تثلغ مضاربها
عط الطويلة عريب الجد والخالي = ولد الردي لا تخلونه يزول إبها
واللي رفيعٍ وللشوفات حمالي = أرفع نواصيه ياربي وقطبها
أنا ولد طارفه مانيب كسالي = اخاف من خبرة باحت مزاهبها
وأنا من الخبرة اللي شورهم عالي = وأهل سلوك الردى يارب تذهبها
ويالله أنا طالبك حمراً هو بالي = لا روح الجيش طفاحٍ جنايبها
لاروح الجيش حاديه أشهب اللالي = لاهي تورد وسيع صدر راكبها
اللي على عيزها واللي بالأحبالي = واللي على المردفه واللي بغاربها
لاروحت مع سباريت الخلى الخالي = كن الذيابه تنهش من ترايبها
تمت وصلوا عدد ماهل همالي = على نبيٍ شروع الحق رتبها
أغفر ذنوب الفتى يالله ياوالي = لا جيت في حفرةٍ رزوا نصايبها[/poem]




«®°·.¸.•°°·.¸¸.•°°·.¸.•°®»عز الله انكم تستاهلون ياحمران العيون -------------->>يالذيب سرحان«®°·.¸.•°°·.¸¸.•°°·.¸.•°®»[/frame]