محمد بن شباب وهادي بن عسكر

السلام عليكم ورحمة الله وبركاته


هذه قصيدة ارسلها لي الاخ محمد بن شباب ال سلمان القحطاني





[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,medium,gray" type=2 line=0 align=center use=ex num="0,black"]
جتني وانا في سعه متراكي اشـدادي=قصيـدةٍ تـو مازانـت مضاربـهـا
طرت على البال ماهي حرب واجهادي=وان كان ما جاتني مانـي بحاربهـا
الله يسلمـك ويعافـيـك يـاهـادي=لاتزعل النـاس والعربـان تغضبهـا
تخطي على القوم ما تعطيهم القـادي=لابد ماتعطـي اخصومـك مطالبهـا
وانته تعرف العلوم وسلم الاجـدادي=خابرك تارد وتشرب مـن مشاربهـا
في سلم قحطان لا خلـه ولا عـادي=لابـد مـا تزبـن وتلقـى مرحبهـا
سنه وشهريـن هجريـه وميـلادي=ولا تفاخت القوم خلك في مضاربهـا
السن بالسن والظالـم هـو البـادي=والله يستـر عليكـم مـن عواقبهـا
اسمعك لكن مانـي بسمـع الشـادي=حتى لو اسعـد جماهيـره ويطربهـا
هو يحسب انه على الهـداج ورادي=ما يدري ان العرب تفتـل شواربهـا
خابّره مبطي محـدر لـه مـع وادي=الله يسّهـل دروبــه لا يخربـهـا
يلعب ولكن ضيـع فرصـة النـادي=لازم يفنش ويطـرد مـن ملاعبهـا
ولاتلوم ربعه ترى ذا حيل الاجـوادي=خـرب عليهـا وفشلهـا وتربـهـا
بقول لك شي وانـا اخـوك ياهـادي=ازبن على القوم ثم عطهـا مطالبهـا
[/poem]




وكان لي شرف الرد على الشاعر الكبير ابوسعيد




[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,medium,gray" type=2 line=0 align=center use=ex num="0,black"]
يامرحبـا مرحبـا يـاذيـب الاولادي=ترحيبتـن عـد ماهلـت سحايبـهـا
ترحيبة الطيب مـع دلـه وبـرادي=سلـوم جـدي وجـدك مانجنبـهـا
ليل لفا بالقصيـدة ليـل الاسعـادي=وجهزت انا الرد ماني مـن يشحبهـا
سديد راي وعلى الطـولات تـزدادي=يوم ان غيرك يابن شبـاب ينشبهـا
انا عضيدك ليامـن حـدك الحـادي=وانته يميني على الاعداء واهوش بها
يفداك منهو على الشـدات مافـادي=راعي علوم الـردى لاقـام يندبهـا
ضايع وتهميشته في رقـم الأحـادي=ماهو بصعب (ن)على الارقام نكتبهـا
يلقى عشيق الردى وسيوفه حـدادي=يذبح ويسلـخ ويقطعهـا ويشذبهـا
ليا تحاكـا يشابـه نشـرة الـرادي=يضرب بهاذي على هاذي ويعطبهـا
حذرا تجيله هبيـل وضايـع غـادي=خـلـه يـولـي وداره لاتقربـهـا
مثله وشرواه مانـي منـه نشـادي=حنّـا حـرار تعشيـهـا مخالبـهـا
وتاريخنـا يامحمـد عـز وامجـادي=تاريـخ قحطـان مايعقـل يكذبـهـا
ربعي وربعك لصـار العلـم بعنـادي=تدوس دار العـدو ماهـي تحسبهـا
واقبل تحيه بريـح الـورد والكـادي=من مسندك والمراجل حن نفوز بهـا
[/poem]