بسم لله الرحمن الرحيم والصلاة والسلام على اشرف الانبياء والمرسلين سيدنا محمد عليه افضل الصلاة والتسليم
اما بعد والله ماكان من الأجدر والأسبق لاي شخص ان يتسبق بالحكم ع الرجال بدون معرفة وش الحاصل بالضبط انا من جهتي اقول الله يكرمه ويجود عليه ويخلف عليه بخير لأنه قام بتقدير الأشخاص اللي العزيمه لهم يآخوان انتوا ماتدرون الشخص هذا وش سالفته بالضبط يمكن كان فيها عتق رقبه يمكن كان فيها شيء كبير والرجال قام وصلح هاوليمه الكبيره تقديرا ووفاء للضيفان يمكن الرجال هذا فيه خير ياجماعه قام وصلح هالوليمه وباقي الأكل قاموا بتوزيعه ع الفقراء الواحد مايدري وش اللي صار عندهم فمن الأحوط عدم الحكم او الدعاء ع الاشخاص من اول نظره ع العموم الله يخلف عليه بخير ويهديه ان كان صلح المناسبه هذي من باب المفاخره او غيرها مع اني ماأعتقد ان قصده كان كذا لأن اصلا شوفوا المكان اللي هم فيه صيوان بس يعني مكان بسيط جدا يمكن كان فيها صلح الشغله ماتدرون لكم فائق التحيه والاحترام ....