قدام لاتكسب كبار المشاريه=ابعد من اللي وقفتك معه شرهه

[poem=font="Simplified Arabic,6,black,bold,normal" bkcolor="transparent" bkimage="" border="groove,medium,gray" type=4 line=0 align=center use=ex num="0,black"]
قدام لاتكسب كبار المشاريه=ابعد من اللي وقفتك معه شرهه
وقدام لايكرهك من كان تغليه=على علوم الطيب ساعده وأشهه
وقدام ينزع ماقف(ن) تفتخر فيه=ماقف أبوك وجدك إحتمه وإزهه
وقدام لاينفض جمع تحكم فيه=أجزل عطى يمناك يالذيب وأرهه
وإعلم ترا الرجال لأخلف مماشيه=أقرب قريب الناس ذمه وكرهه
وعلى الجميل إحرص ولو إنك تشريه=روس الرجال إلها على الطيب ولهه
خص(ن) مع روس الرجال المواجيه=الطيب له بين الرجاجيل نكهه
والطيب اللي مع هل الطيب طاريه=ماهو مع وجيه(ن) رديه وكلهه
وإن جيت لك مجلس تسمع لحاكيه=لعلوم شيبان(ن) نوادر وفكهه
لعلوم عود(ن) موحشات(ن) مساريه=مثله من دهاك بالشين فإدهه
ولا لمن علمه وقته وماضيه=عود(ن) خذا في ماضي الوقت ردهه
طيب ووفى وإكرام عز إلبن آخيه=وشجاعة(ن) منها الرجاجيل مرهه
وأبعد من الثرثار وإحذر تحاكيه=كثر الحكي بين العواريف ملهه
واللاش ولد اللاش حذرا تخاويه=إنصح ضميرك عنه وأبعده وألهه
ومن دون وجهك قم ولو تزعل وجيه=لو الوجه ماغير خشم(ن) وجبهه
وإعلم ترا عمرك حصاده بتاليه=فعن غير مايرضي الله أزجره وإنهه
ولابد مادنياك تاخذ ماتعطيه=فخلك بها راعي تمشيه ونزهه
وختامها صلوا ماهبت ذواريه=على النبي ماصار للبرق رمهه[/poem]