[poem=font="Simplified Arabic,6,white,bold,normal" bkcolor="black" bkimage="" border="none,medium,gray" type=3 line=0 align=center use=ex num="0,black"]
سبات وشرب واكل ومعصية وإمعان فالممنـوع=
وموج من الترف ذابت نواصينـا علـى جالـه =
كذا مرت سنة من دهر نفس الشكل نفس النـوع=
تجـر ذيـول الايــام انسيابـيـه ومختـالـه =
تباعَدنا مسافتها علـى حسـاب المتـر والبـوع=
وصارت قاب قوس اقرب على الغافل من ظلاله =
هنا قامت شوارعنـا تمـاوج باحتشـاد جمـوع=
وحالات التأهـب فـي شهـر شعبـان وليالـه =
وصل ضيف السنة مخضلّ بدموع اردفت بدموع=
وشاف معزبينه نصهم فـي حـال يرثـى لـه =
وقمنا مـن مخادعنـا نشّـرع بابنـا المخلـوع=
ورحّبنا بهمس اهـلا بشهـر الخيـر وهلالـه =
هلالك هل واول يـوم لـك فاجـازة الاسبـوع=
بعد مشوار عام تعـود والحالـه هـي الحالـه =
ذخرنا لك موايد تطرد اشباح الضمـا والجـوع=
وموج من البرامج عبر نايـل سـات وارسالـه =
ومصحف من سنة مرت برفّ المكتبة مـرزوع=
نقطـع فيـه ساعـات النهـار ولاعنينـا لــه =
هذا حال اكثر الأمة وياكثـر الأسـى واللـوع=
وشيٍ ما اقدر اقولـه جبيـن الحـر ينـدا لـه =
وفينا نـاس مازلّـوا طريـق محمـد المتبـوع=
يوالونـه بصـدق وكنهـم مـن صحبـه وآلـه =
تجدهم في البيوت وفي المساجد سجدٍ وركـوع=
بعضهم يعتزل لاجيـت عـن منزلـه واطفالـه =
عسى هالصنف ما يبطي علينا صوته المسمـوع=
يبارك فيـه رب البيـت ويكثـر مـن امثالـه =
وانا لازلت ماعرف موقعي في الموكب المدفوع=
اجي في مقدمه والا يفوت الركـب وابـرا لـه =
أرد الامر للي ماعنـه حبـل الرجـا مقطـوع=
خلق لي ذنب لكن ماخلـق لـي متـن يشتالـه =
ابراهيم الشيخي الزهراني=[/poem]