قلــوب ميته

متواضعه اتمنى ان ترتقي الى ذايقة كل قحطاني
ولكم مني جزيل الشكرا



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الكلمه الي تجي من غيـض راعيهـا=اصد ماكني اسمع صـوت هارجهـا
اصد عنهـا ماكـن اذنـي بتوحيهـا=واشتـت الفكـر عنهـا لايبرمجهـا
النـاس هالوقـت يامكثـر داهاويهـا=والكلمـه الضايعـه تلقـى مروجهـا
يفـرح ليامـن لقـا كلمـه يوديـهـا=نفسه لو انه شجيع الـراس سمجهـا
الناس لـو بالـردى دايـم تقاضيهـا=بتعيش فـي ديـرهٍ ماكثـر دايجهـا
اصبر على الزلـه اليـا زل راويهـا=لو كان تونس بوسط الكبـد واهجهـا
ولو تعطي الناس شوفك منت مرضيها=منته بمرضي العرب لوك تحججهـا
اسلك طريق العرب وامش ابمماشيها=والضالعـه تتعبـك يلـي تدرجـهـا
نفسك لزوم علـى العليـا تضريهـا=واطلب من الله عسى ربـك يفرجهـا
دنياك لك مدرسه وانت اجتهـد فيهـا=لو طول الوقت ماتقضـي مناهجهـا
دنياك لو لك عصـت لازم تجاريهـا=بالزين والشين لابـد انـك تمزجهـا
سود الليالـي تـرى منتـه بقاويهـا=وجروحهـا كايـده منـت بمعالجهـا
وبعض العرب بالقلـوب الله يهنيهـا=قلوبهـا ميـتـه مــاش يهيجـهـا
لو تسمـع الضايعـه ماتلتفـت فيهـا=والضايعه ضايعـه تشبـه لهارجهـا[/poem]
اخوكم محمد محسن آل مطيليق