مــالك و مــالي

بسم الله الرحمن الرحيم

أسعد الله جميع اوقاتكم بكل خيره


جديده وتعبر عن نفسها

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]

كيف مالك يا ولد عمي ومالي ؟ =وأنت تعرف كل علم وله دلاله
لا تجاوبني على قد السؤالي=خلها بين العرافه والجهاله
الحمل ماله سوا ظهور الجمالي=والمواقف ما لها الا أهل الشكاله
لا تجيب أقصاك خلك دوم عالي=ولا تعاند كل من قد صار عاله
الجزل ما يهتوي غير الجزالي=والهزايل عادة أصحاب الهزاله
لا تقول إنك من الأيام خالي=لابُد تشوف الذيابه والثعاله
كان تحسب للبعيد وللموالي=فعرف إن الطيب ما يسُهل مناله
القصور الشامخة مثل الجبالي=والمواقيف القديمة لا محاله
سيسوها من يشيلون الثقالي=كاسبين المدح لامن جا مجاله
لا غدا للكيف بنٍ في دلالي=إشرب الفنجال وإرجم بالبياله
لا تقول إن قد طرالك ما طرالي=أشهد إن اللي طرالي ينغزاله
وإن حسبت حساب عسرات المنالي=بين تشتيت الجهاله والعداله
لا تقول الخوف من رب الجلالي=جل شانه مير عقلك وش جراله
كيف كنت أول وصرت اليوم تالي=ذي نهاية من سمع هرج النغاله
لعنبوا من ذل ذربين الفعالي=ولعنبوا من صار قد هذي فعاله
كيف تنسا ونت مضرب للمثالي=كيف مدري كيف تسمع للحثاله
كان سلمت دايرتنا الإنحلالي=والله إن تشوف ما لا ينطراله
وكانها بقيت على مالك ومالي=فكل واحد مننا يشعب جماله !![/poem]


للإستماع والتحميل هناااا

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة