.............فن الذيـــــــــــــــــــــــــابة ......................

عقب الغيـاب وثقـل دم المسافـات
وحث الخطاوي في رمـال النفـودي




آخر علومك قلتـي الحـب حـالات
شمّة هوى وإحساس بس بحـدودي




وإني مريح البـال ماذقـت ويـلات
متساوي ٍ عندي وصـال وصـدودي




وإنك قريتي يوم بإحـدى المجـلات
عشرة بيوت فـحب ذيـك العنـودي




مكتوبة ٍ باسمـي وفيهـا حكايـات
فن ّ الذيابه فـي إغتيـال العهـودي




أثِر بعَض الأخبار بالفعـل لا جـات
شي ٍ طبيعي إن باح منها سـدودي




ياليت مالي معْ هل الرجـم وقفـات
يوم آتباشر بـك ليـا هـب نـودي




ماكن بي من جور صـدّك علامـات
هذا إنكساري وسقم حالي شهـودي




لكـن بقـول بْـدون أي انفعـالات
مستلهم ٍ حلمي وعفـوي وجـودي




وش لك ووش لي في قصيد وروايات
وتأويلهـا مابيـن نقـص ٍ وزودي




السالفة لو تنحكـى بعشـرة أبيـات
مالي حروف ٍ فوق طرسي سجـودي




هبّ الشمـال وروّحـت بالبدايـات
ريحٍ تهّـب بحـزن نايـي وعـودي




حلـم ٍ يطيـح وتستبيحـه نهايـات
وإيذوب قلب وينحفـر لـه لحـودي




صلف الظروف وسابع المستحيـلات
سبايب اوسوم المطر فـي خـدودي




طال الرحيـل ولا وصلنـا لغايـات
وش حيلتي والغاية أصلا ً شـرودي




مثل الطيوف ان سيّرت جات عجلات
أغلـى مساييـر ٍ لعينـي تـرودي




في وصلها مرّة وبه عشـر مـرّات
عشر ٍ منوع ومـرّة ٍ مـا تجـودي




قولي لها حتى إن غدينا بـه شتـات
وقت المفارق لـو يطـول بيعـودي




وصل القلوب اللي تضـمّ العطيبـات
والصبر زين ولو يطـول محمـودي




بس المهم الجرح لأستوطـن الـذات
حلمي وحلمـك لا يصيـر مهـدودي




في وقتها وش فايـدة كـل مافـات
لا عوّدت بيض المشاريـه سـودي




وترزّمت سـود السحـاب الثقيـلات
وأمطر غضب جفني وحنّت رعـودي




الحيّ ماهو مثـل يابنـت الأمـوات
اللي أبد ما خـان معـك العهـودي




إن عاش حبّه عاش ويموت لا مـات
يموت غبن وحزن قلـب ووجـودي










،،،