السلام عليكم ورحمة الله وبركاته
اسعد الله جميع اوقاتكم با الخير والمسره
يسعدني ان اتواصل معكم بهذه الابيات المتواضعه امام ابداعاتكم التي اتمنى ان تلامس ذوقكم الرفيع
وان تعذروني على القصور مقدما " وعلى قلة تواصلي الايام الماضيه ..
يازيـن قـلي وش تبـي ؟؟ بس يازين
..................... وابشـر بقلبـن مايـهاب الشـدايـد
يمشي معك من وين مادري إلى وين
..................... يتبع رضى قلبك لو رضاك كايـد
يالـي زعلك اقسى مـن الظلـم والديـن
..................... ويالي عتابك صار طبع وعوايد
لا تـحسبـيـن إن الغــلا بيـن قلبـيـن
..................... يزداد بحروف الحـكي والقصايـد
لـو بـالحـكي بسـمّعك ليـن ترضين
..................... كـلام " اكثر مـن كـلام الجـرايد
ولـو بالشعـر بكتـب لعينـك دواويـن
..................... واصوغ لك احـلى القصايد قلايـد
بـس الغـلا ياسيـد كـل المـزايـيـن
..................... إحساس عـن كـل العـبارات نـايـد
حبـي لـك اكبـر مـن كلام المحبيـن
..................... حب " فـي قلبي كل يوم يتزايـد
مابـاد قـد لـه يـاهوى البال عاميـن
..................... ومـادامني حـي" فـلا هوب بايـد
حبـك فـريد ومنفرد عن هل الشين
..................... وانتي مثـل حبك وصوفك فرايـد
فيـك الجمال اللي يهـزّ السـلاطيـن
..................... ويسـهر قـلوبـن ماتمـل الوسايـد
وفيك الدلع.. لوحس به سور برليـن
..................... قبل الحروب.. يذوب ويصبح بدايـد
ولو بختصر زينك واجيبه فـ شطرين
..................... ((الـزين لـو لـه جـيـش حطوك قايـد))
ولـو بختصر شـرحي لحبك بتدرين
..................... إني معك ما احسب حساب النقايد
وتـدرين مهمـا نختلف بيـن امـريـن
..................... ماقـد وقـف قلبي في موقف مُحايد
دايم معك يمشي على العسر واليـن
..................... مـتسيـده قـلب بـه الحـب سايـد
قلبن في قربك عايش " في بساتين
..................... وفي بعدك يذوق الشقى والنكايد
وانا في حبك يالغاضي بين حالين
..................... إما 1-فرح .. او 2-حزن طاغي كايد
1-
افـرح إذا كحـلتـي بـشوفك العيـن
..................... فرحة غريـب " لارض الاوطان عايـد
2-
واحزن إذا في يوم عني تغيـبـين
..................... حزن الإمـاراتـي على الشيخ زايـد
وسلامتكم
16-06-2005, 03:14 AM
يازيـــن ..... !
تعليمات المشاركة
المواضيع المتشابهه
العرض الشجري