لا حووول ولا قوة الا بالله)

[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
يا عين يا ليل الشقا لا حول يالقلـب الحزيـن=الـى متـى والذكريـات الماضيـات نعودهـا
لكن ما اقول الا عسى ربـي يزينهـا تزيـن=الله يعـدل ميلـهـا والله يـحـل قيـودهـا
صبرة صبرٍ لو يمر طويـق بيحطـه طحيـن=على مهب الريح تومي بـي هبايـب نودهـا
شيٍ يهول العقل جعل الله على الدنيـا يعيـن=الناس تسعـى للمظاهـر فالزمـان جهودهـا
احـدٍ لقاهـا بـارده واحـدٍ كلاهـا علقتيـن=واحد يصالـي نارهـا واحـدٍ يشـم ورودهـا
واحدٍ معلق فـي رجـا سودالليالـي يستعيـن=جداه يطلب في صلاتـه كودهـا يـا كودهـا
الوقت غير الوقت والايسر طلع قبل اليميـن=والناس غير الناس مبغضها سبـق محمودهـا
دنياً تلاعب بلاوادم بيـن بيـن وبيثـن بيـن=ومزكية شهادهـا تطعـن بصـدق شهودهـا
دنيا المظاهـر والمناظـر والثلاثـه والثنيـن=صبر اهل الشيمه من الواقـع تعـدا حدودهـا
الخايبيـن بمالهـم حلـو محـل الخيـريـن=واهل الشـداد العـام الاول حدهـم مقرودهـا
موخريـن العـام صـارو ذالزمـان مقدميـن=ومقدميـن العـام بندقهـم فسـد عبـرودهـا
الطيبيـن الذاكريـن الحامديـن الشاكـريـن=دارت بهم الايـام صـارو بحتيـاط قرودهـا
الذيب وهو الذيب قام يخاف لا جا ابا الحصين=والهرش ابـو نيبـان قـام يـذلله مفرودهـا
راحو هل الطالات واهل الفعل والسيف السنين=وجونا عبادٍ نقصها مـا نفرقـه مـن زودهـا
يقدسون المالل تقديـس الروافـض للخميـن=ما يحسبـون حسـاب واجبهـا ولا منقودهـا
متخلفين وناقصيـن وفـي نظرهـم كامليـن=تضحك بهم شمى مكـر بسهودهـا ومهودهـا
هبهب بلا مذهـب ولا ملـه ولا قلـبٍ فطيـن=لابو رجالٍ مـا تشـوم مـن الطنـا بكبودهـا
المرجله صارت مهايط واهلهـا مستضعفيـن=هاذي سياسة حجزهـا ولحوجهـا وزيودهـا
اطيبهم يجمّع ريال ريال وهـو ابـو شهريـن=يمناه من بخله علـى يسـراه يسلـع دودهـا
جعله فدا هيف السمين اللي على عسرٍ وليـن=اللي هشاشيل الخـلا صوبـه تجـر وفودهـا
لو كان مابـه مـال لكنـه عشيـر الغانميـن=لو يتسلفها سلـف مـن قـل وجـد نقودهـا
والمال قله ما ينـزل مـن مهابـة شامخيـن=جود النشامى دون واجبهـا يجـي ماجودهـا
يوم ان كثره مابعد علّـى الرخـوم الهابطيـن=اللي نمى ماجودها مـن قـل مـدت جودهـا
والحمد لله ماعلي خلاف لي عـرشٍ حصيـن=جدي وابـوي فهودهـا ونمورهـا ويسودهـا
لا صار كلٍ يفتخـر بفعـول ابائـه الاوليـن=جدي خذاها غصب بذراعـه وجـاك يقودهـا
بالسيف و المنسف وقو الباس ما عا الاحمرين=شيخة فعل ماهيـب شيخـة مرتبـه وبنودهـا
الدار حاميها من الاقصيـن لاجـل الاقربيـن=يحمى وعرها فـي مفاليهـا ودون عدودهـا
مخلص لو جـه الله حشـا لله مالـه نيتيـن=والشاهد الله ما خذا لو حيـده مـن حيودهـا
حتى الطيور اللي تهاجر تعرفه في كـل حيـن=والله ولا فالحلـم طامـع يمـهـا بيـرودهـا
فيهـا لحالـه والجماعـه كلبوهـم حايلـيـن=يصبر علـى لوعتهـا وصدوفهـا ولهودهـا
الدار في وقته حدايق ورد مسـك وياسميـن=كنها هنوفٍ يقتـن العشـاق ركـزة عودهـا
ومن يوم خلهاها غدة مثل الخراب المستهيـن=كنها عجوزٍ تحتضر وسـط الرمـاد جعودهـا
فعله ينومس طلق وجهه حازها دنيـا وديـن=مضرب مثل للعـز نفسـه بـاذلٍ مجهودهـا
ما زال ذكره حي لو موتته من تسعـة سنيـن=تبرق بروق مزون طيبه والسعـد برعودهـا
يرحمك يا عودٍ ليا منه وقـف ضلعـه متيـن=واذكر مثل بيض الليالي مـا تشبـه سودهـا
غيره ضعوفٍ بالسراقـه والدراقـه عايشيـن=الله لا يرحمهـا لونهـا بـايـده فلحـودهـا
وغيره احياءٍ يرزقون و من حساب الميتيـن=هـذا دليـل ان الفشـل بعقولهـا معقودهـا
لا حول ياشهب الليالي ليش سويتـي كميـن=يقطع جمـالٍ فـي مواقفهـا ثعـت فبدودهـا
ولا طالما ذكر الحيـا بيّـن وذكـر الطيبيـن=الهينـه ياهونهـا والمرجلـه يـا كـودوهـا
الشكر لـك ياربنـا مثـل الجبـال و ثابتيـن=على مسيرة عودنـا نبقـى لهـا ونسودهـا
عهدٍ علينـا مـا نغـدر ولا نبـوق الغافليـن=شجرة وفا كـل الجماعـة تلتجـي بفنودهـا
وما دام ابوي بخير واخواني وربعي سالميـن=ما كنـي بميـت ونفسـي كمّلـت مقصودهـا
يشهـد علـي الله الاه الخلـق رب العالميـن=لو تنفدى الارواح جبت النفس غصب اقودهـا
والذود لمن شفتها روّقت ما اغبـط الحسيـن=كني خذيت الشمس في كفي وجيـت اذودهـا [/poem]

__________________
[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ضحى العيدي اخلي من العايدين=والمعايد نهار العيد مافيه شي
حبذا لو يكون معانقٍ باليدين= وان سنح فيه فرصه بنتمادى شوي
ودي اشم باقي نفحت الياسمين= حسبي الله علىمن قال بالشرع لي [/poem]