[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


معتق الحربي

قم يالرياحـي بينـي و بينـك كـلام =حنـا علاقتنـا تراهـا مـن قـديـم
ياحب قلبـي للبقـوم و لتـربـه =و اللي عقد رؤوس الحبـال يحلهـا

عبدالله الذيابي
الليـل يالقرقـاح قـام الحـظ قـام =و الله لتونس ضرب سيفي فالصميـم
أن كـان ماطفيـت علينـا الكهربـه =و اللي عقد رؤوس الحبـال يحلهـا

فيصل الرياحي
يامعتق أنا ضيف و أرد السلام= و أن كان صادق قول و الله العظيم
الله يبارك فالجموم و فـ عربه=و اللي عقد رؤوس الحبال يحلها
فلاح القرقاح
الليل يا ابن سنان خربت النظام = الله يردك للسراط المستق
و الوافي اللي مايغير مذهبه=و اللي عقد رؤوس الحبالا
معتق الحربي
حنا حلمنا حلم في وسط المنام=أن تربه شدت و راحت للقصيم
و أن الرياحي زعل و البحر شربه=و اللي عقد رؤوس الحبال يحلها
عبدالله الذيابي
تبأ الصحيح الضرب فالميت حرام=و المنسدح مايضربه غير الغشيم
مار الخطر لاتقربه لاتقربه=و اللي عقد رؤوس الحبال يحلها
فيصل الرياحي
مانعترف بالحلم ياراع الحلام= حظن مقيم و حضرتي مثله مقيم
غلطان يامعتق و مقطوع رقبه==و اللي عقد رؤوس الحبال يحلها
فلاح القرقاح
تبغى الصراحه ماعلى مثلك ملام= متروك من بين العرب مثل اليتيم
و الداب ضمك بين رأسه و ذنبه=و اللي عقد رؤوس الحبال يحلها
معتق الحربي
بعض الحلام تصيب ياعال المقام= و أن كان صاب الحلم طحتو في جحيم
و الله لأشوفك كل جركل تسحبه==و اللي عقد رؤوس الحبال يحلها
عبدالله الذيابي
ياللي تدور للمشاكل كل عام= ما أنته سليم و لاعلى وضعٍ سليم
و الله لأدوس الداب هو و العقربه=و اللي عقد رؤوس الحبال يحلها
فيصل الرياحي
نويت أبا أحطك على راس السنام= و أعلمك حتى تعلم يالغشيم
و إلا أبا أعرقب لك يازين العرقبه=و اللي عقد رؤوس الحبال يحلها
فلاح القرقاح
أبا أستلمك بجامد الفتل إستلام= و أشهد الهذلان و اشهد سليم
إيوقر الرجال دقنه و شنبه=و اللي عقد رؤوس الحبال يحلها
معتق الحربي
أنا أشهد أنك ياولد ما أنته تمام= ما أنته معلمني و انا رجلٍ عليم
هذا الرياحي و المشاكل بسببه=و اللي عقد رؤوس الحبال يحلها[/poem]

__________________