( [poem=font="Simplified Arabic,4,black,bold,normal" bkcolor="sandybrown" bkimage="backgrounds/13.gif" border="double,medium,gray" type=4 line=0 align=center use=ex num="0,black"]

عين السخط تبدي عذاريب الأنسان..=وعين الرضا عن كل عيب كليله..
وعيوني الثنتين تفدا كحيلان..=هود النبي كل العرب تنتمي له..
جانا الخبر بمزاين ارجال قحطان ..=وشاش راسي وانتخيت القبيله..
رميت بالغتره وفزيت طربان..=وزان بدع الشعرجره وشيله..
للأبل ميدانن وللشعر ميدان..=وكلا من الشعار يحضر حصيله..
يقدم على ميدانها مطلق السان..=لحط بيتاً مايدور بديله...
هيا اسعفيني ياهجوسي بالألحان..=برفع بصوتن للنشاما تجي له....
جوكم هل البل كل نشمي وديقان.=بني مضيم ن محتمين الدبيله...
لحقوا هل البل يوم وقعات الأكوان.=على النقا كلا يواجه قبيله....
يوم المزاين كور وشداد وعنان.=أهل الحمايا يوم رز الشليله..
(في روضة الحدبا من اول و الى الآن..=لانعيل ولا نرضا على النفس عيله....)
من اليمن للشام لحدود طهران..=ساس العروبه كاسبين الجميله...
كبار الجموع منزحه كل قيمان..=سيل العرم زايد على السيل سيله..
بأمرالولي يرضخ لنا الانس والجان.=من شافنا بالعين يعلن رحيله...
هل كلمة ارحب والقرا عقر الضان..=ونرفع مقام العود لا انهد حيله..
فاالمرجله عجلين فالحرب شجعان..=اهل الوفا واهل الصفات النبيله...
اهل المهار اللي تنازا بصبيان .=ومن طاح تحت الخيل وعزتيله..
خيلن اصيلات ن تهاذب بالأرسان..=وهذا طريح وذاك نخلي سبيله...
وجيش ن حراير ساس ابوهن من عمان..=منوة خليل نازحن عن خليله..
شينين زينينن وذربين كرمان..=وسم ن ذحاحي للكبود العليله..
يشهد لنا تركي وفيصل وراكان...=حتى القنا يشهد وظهر الكحيله..
ولانعلق العاني ليا ضامنا شان..=ولا نشكي الأحوال من قل حيله...
لاقلت الحيلات نلجأ لشامان..=وعلط الرماح تحقق المستحيله..
سترالعذارا يوم زوغات الأذهان..=اليا انكشف ستر الفتاة الجميله..
تبكي وتنخا وين ذربين الأيمان..=وين الجمال الباركه للثقيله..
ولحقوا هل الرده على الخيل ظفران..=بشلفن تقص الراس والا تشيله.....
لن عندها احساس ليا ثار دخان..=ان ربعها تزبر على الصاع كيله...
ابل المزاين ورث من كسب جدان..=لقفوا بها ماعاد فيها عقيله...
ابلا سلايل من قديمات الأزمان..=مادوجت بين الغنم والحسيله..
نرعابها تثليت لحد عمان..=لعود الشاوي يخرز صميله..
وليا بغاها طامعا جاك دجران..=دمه تغوص خفوفها في مسيله.....
غزيزة للشيخ في ذود عدوان..=وضحا لها دويك شناحا جليله..
تبرالها ركابة الخيل فرسان.=بأيمانهم حدب السيوف الصقيله....
لباسة الماهود وثياب تومان..=شغمومنا نادرونافل بجيله...
ولانطرح من القوم ياكون شيخان..=ولانذبح من القصب كون الجزيله..
تفرض لنا الجزيه وللمجد عنوان..=واللي نزل في نجد يحضر كفيله..
سبعين عام نلبس المجد تيجان..=هذا وحن في نجد حسبه قليله..
وش عاد لوها نازله كل الأضعان..=ياويل من بنحورنا ويل ويله...
العاربه قحطان حضرا وبدوان..=بأربع خصالن اعتلينا الطويله..
عز الخوي والضيف والجار ماانهان..=ونزبن المضيوم نشفي غليله...
قبيلةن عند الخوي فعلها بان.=دون الخوي الخال فوق النثيله...
عنا الخوي محمد"طير حوران..=زودن على السته وفي رد ليله..
وش كلمته ياخال يوم القدر حان..=ثم رد خاله يزهمك تنثني له...
يبشر وانا محمد وللدين ديان..=ومن تحت حلقه جر حد السليله....
وعلى قصيرالبيت نضفي بالأردان...=فعل المهادي مالقينا مثيله...
واطرف عيال العود لاخفت مزبان..=يحيا يموت او لايسلم دخيله..
وليا لفانا الضيف والحال مشتان..=بشاية الله مانقدم هزيله..
وان كان مانلقا فنذبح له حصان..=من خوف يمسي ضيفنا ماعبيله..
مااقول لي قولن على غير برهان..=حاتم ولد طين بنفس الفصيله...
كل القبايل وافيه دون نقصان..=وكلا على حقه يورد دليله..
واليوم في حكم الشريعه والأمان..=حكم الشريعه واضحا مايبيله..
بفضل من الله ثم وقفات الأخوان...=أخوان نوره متعبين الأصيله..
سلايل معزي وتعزا لمرخان..=الها علينا بعد ربي فضيله..
اهل الحكم ومطوعة كل فسقان..=اهل السيوف معدلة كل ميله..
قلته وانا شالح خريزان سفران.. =روس الخنافر يوم قدح الفتيله..
سلام يامزاين هل الصيت قحطان..=رجالهم وحده يساوي قبيله..[/poem]
وتقبلوا تحياتي

__________________
وش الباقي ........ عقب حبك ........ أظنه ما بقـــــــى باقـــــي