العروبه

يقول الشاعر حامد بن علي بن مايقه في قصيده يصف فيها الوضع العربي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا وجودي وجد عود على القومه ينوز=له زمان ما تصلب على خف قدمه
او وجود مصوب ركبته فيها حزوز=طايح في مضربه كل من جاه رحمه
يا زمان القل والذل واللي ما يجوز=كن قلبي يسحبونه على شوك سلمه
اليهود تدوس روس اليتامى والعجوز=في فلسطين الجريحه تهان المسلمه
اليهودي بالتعدي عليهم ما يهوز=لعن أبو اللي تالي الوقت مافور دمه
والعروبه هجّنوها على بعض الرموز=والفصيله حوّلوها على د م حلمه
وين ذاك الوقت يوم العرب الأول تفوز=كل قايد دولة ينتخي تحت علمه
يا عرب خلّوا الظفر للخوارج والدروز=محتزمكم للحليله ينزّل محزمه
شعب دار القدس في ماقف الذل محجوز=المواطن يمضع التمر ويمص عجمه
والعرب تركب خيار الكدالك والبنوز=يصبح المظلوم مقهور ويحول نسمه
يقبض الرّجال كفه على حر القزوز=وإن تكلم واحدٍ جاه الاخر وابلمه
والمجامل بالقصايد علينا والطنوز=كسر الله مابقى من ضروسه في ثمه
والقصيد اللي عن الحب دايم ما يخوز=يستوي عند العروبه وجوده وعدمه
يتغزل بالعيون الجميله والغروز=طول الله علته من غرامه وكتمه
من تمادى بالغزل سكروا حلقه بموز=جعل رب البيت يبلى ضروسه بدقمه
ما يشوف اللي جرا للعرب في كل حوز=من تلقى عظم العروبه تهرم وقظمه
العرب لو صنعوا تمره في جوف لوز=قامت الدنيا عليهم وقالوا محكمه
واليهود يصنعون القذايف والكروز=والسلاح اللي يحط البشر لون فحمه
والمواطن في فلسطين ما عنده حروز=لى بناله بيت جاه اليهودي وهدمه
ساعدوهم يا هل المال وأصحاب الكنوز=عوض الله من تبرع بجوده وكرمه
جنّنونا بالتعاليق وأصحاب النيوز=والمخطط للمشاكل بخطه وقلمه
ما عرفنا صادق الهرج من حكي البنوز=والثعل ما فيه حوه ولا فيه زنمه[/poem]