طبعي ما اجامل

طبعي ماجامل


[poem=font="Simplified Arabic,6,darkblue,bold,normal" bkcolor="transparent" bkimage="backgrounds/19.gif" border="groove,thin,darkblue" type=2 line=0 align=center use=ex num="0,black"]
وينـك يافيصل بيّْح الصدر خافيـــه = في حزة(ن) قبل القصيده سبــــبها

عديــت مرقـــاب(ن) صعــيـبه مراقيــــه = ســلوان ناس(ن) ماتحقـق طلبـــــــها

كني به الحــــراس من فوق عاليــــه = سبـار قوم(ن) يلتحـظ من قربـــــها
ومديت شوفي في طوارف ضواحيه = نقظ جروحي والمواجع قلبــــــــها
وعسى حقوق السيل ماعاد يسقيه = ونبـــت الخزاما مايزهر هدبــــــــــــها
خمســـــــــين عام(ن) ماتربع مفالــيه =, قـــاعه عسى سرب الجراد يحجبها
ذكر على بالــي يافـــيصل طواريه =ونبـضــات قلبي شتت الله شعـــبها
دقه تســــرح به ودقه تضـــــــويه =وعندي تســـاوت راحته مع تعبـــها

وقال المثـــل أدرى به الجمر واطيه = حــــــرارته يونس بكبده لهبـــــــها

وأنا الــــــذي عاشـــر زمان(ن) مشقيه = سيــــرة حياته عيشة(ن) مارغبـــــها

ورغم الظروف القاسيـــــات أمتحديه = أقهر شقا دنياي وأقهر نشبــها
ورزقي على اللي عالم الضاد ترجيه = رب(ن) قوانيين الشــــــــريعه نصبها
وسلمي وعرفي ماتغيّــــر مبـــاديه = ذي ميـــزتي والرب فيني وهبها

ولا أجحد المعروف واللي يســــــويه= يبقى ويبقى عندنا من كسبـــها

وطبعي ماجامل والردي مانخــاويه = وأهل المصالح بالزمن ماصطحبها

واللــــي يميل بهرجته مانحاكيـــــه = يصـــدق بكلمه والبقايا كذبــــها
وترى السفيّه بغلطتــــه مانـــجازيه = من شـان غيره غلطته مانحسبــها

ومعزب(ن) ضيـــــــفه يجي مايحـــــــيه = بيبـــــان بيته ماتخطى عتبـــــها

ومثلك يافيــــــصل واحد(ن) مانوصيــــه = أدري تعرف أنحاسها من ذهبها
أسمع وحـــــلل زبدة الهــرج تاليـــه = لـــولا تواليــها حمد مالــعبـــــها

والقاف غنه قبل غيـــــرك يغـــنيــــه = والســـالفه مابين خذها وجـــبها
أرسلتلك قــــاف(ن) سمـــــان(ن) معانـــــيه = نــوادر(ن) غرد بفكــــري طربــــها

والســــر مابحــــته على غير راعيـــه = والنفس ماهو كـل شي(ن) جذبـــها
يوم القيامه لوحت لي مواريه=وياساتر أستر لانشوفه غضبها
ليت الزمن للخــــــلف ترجع مجاريـــــه = والفرق يفصل فرسها من عربها

وكل(ن) على قدره نحطـــــــه ونعطـــــيه =وقبيلته وش ساسها وش نســبها
والوقــــت هذا قلنـــــا وش تســــميــــه = سمه وخل النار تاكل حطبــــها

واللي سهى في غفــــــوته لاتصحــــيه = هياكل(ن) تمشي وميّْت عصبــــها
لاتنصــحه في طرقـــــته لاتحـــــاتيــــه = مهماز حــــر(ن) صيدته ماتلبـــــها

واليا زهمك الخــــــالــــدي لاتـــخليـــــه =أرم العمامه حذف والا أعتصبها

يقوله اللي باح لك كـــــــل خافــــــــيه = قبل القصيده يشتكي من سببها[/poem]

حمدالدليهي الخالدي

__________________