أخوي سعد القحطاني

سلمت ودمت ولا هنت

سباق لفعل الطيب دايم ولايستغرب عليك

أقول لكل أفراد قبيلة قحطان بدون استثناء انتم هل الحمايا والفزعات ولا يستغرب عليكم فالمراجل عاداتكم وانتم أهلها

أقول بيض الله وجيهكم وجمل الله حالكم على وقفتكم مع الشاعر الجزل والرايع عبدالله بن غريب وبيض الله وجه ابو غريب وقبا للمليون بأذن الله وقفتكم وتكاتفكم

وأقول

[poem=font="Simplified Arabic,4,black,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
الـحـمـد لـك يـا عـظـيم الـشان يا ذا الـجـلال
يـا اللي لك الـفـضـل والمنـه ومدك جـزيـل
يـا الـواحـد الـمعـطي الـرازق ولـك لامتـثـال
لأوامـرك طـأيـعيـن أنت الخـبـيـر الوكـيـل
من بعـدهـا يا هـجوس الشـعر جالـك مجـال
الـجزل كـيفي وفـي كـيفـي مـا دور بـديـل
ابـحث عن الجزل واجـيـبه ما قـول احتـمال
فضـلِِ مـن الله ومـيزان الـوفاء ما يميـل
وذا الليـل عـنـدي تـرى ما هـو بمثل الليـال
يـبـقـى مخـلـد وعـنـده صـدق ماله مثـيل
فـوز ابن عـمي يـنـومسـني عـلى كـل حـال
رفـيـقي أبو غـريـب جعـل عـمـره طـويـل
وقـف وشـرف بـنـي عـمـه ولا قـال طـــال
وربـعـه معـه واقـفوا والـقول مـعه الدليل
يـوم احــتـمى الـموقـف الكايد تبيـن الرجال
وربـعـي موفـقـهـم الله يـكسبـون الجميـل
يـوم ارجـعــت للـحـمـأيـا كـل شغـموم قــال
حـنـا لـهـا وأخـر الـفـزعـه يـفوز الاصـيـل
وتـكـاتـفـوا وأثـبـتـوا مـن دون شــك وجـــدال
بأنهـم رجال الـمواقـف ما رضوا بأي ميل
وقـفـاتـهـم مـن قــديــــم الـوقــــت ولا تـــزال
ورث الـمـراجـل تـوارثـنـاه جـيـلِِ لـجـيـل[/poem]المعذره إذا حصل قصور
دخلت على الموضوع وسجلت هذه الابيات الي أعتبرها قليله في حق ابو غريب وفي حق قبيلة الفخر والناموس والحمية قبيلة قحطان بيض الله وجيهكم

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000