أيها الأخوة الكرام جائني صوت من الكويت من الأخ والشاعر الكبير/حسن الوطري



وهذا صوت حسن

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا هجوسي يم شجاع الأكلبي وديني = ويا وصلتي بيته المعمور طقي بابه

اسرحي منا لبيشه في ضحى الاثنيني = والمسا في دار لابه نعم ذيك اللابه

يا وصلتي قولي الوطري لك معنيني = دزنا لحضرتك وجينا عن صاحبك نيابه

استلم منا بعد جيناك منه الحيني = الجواب اللي مكلف به لكم جينابه

يا شجاع الأكلبي هذي ثمان سنيني = ما وصل مرسول منه ولا قريت كتابه

واحدٍ لو غاب عني ماهو بناسيني = مير انا ماني بعارف للغياب اسبابه

لا مبعدني ولا هو يالخوي مدنيني = من سببه العقل ويا القلب دوم اطلابه

بالصباح امر بيته كنه موصيني = في مرور البيت لو مالي بمره ثابه

وبالمسا دايم همومي يمه اتعنيني = كم سريت بليل لاجله صعب ما يسرابه

واحدٍ طيفه معي ماهو مفارق عيني = اتخيل صورته قدمي بزين اثيابه

وين ما وجهت طيفه دايم مخاويني = مير ماني عارفٍ وينه ووين اترابه

اشهد انه في عيوني حاز كل الزيني = جل من صور جماله في عيون احبابه

غيرها من جملة الخفرات ما ترضيني = خشف ريمٍ للبشر وقلوبها نهابه

حد علمي فيه يوم يحط اده في يديني = مد يمناه الكريمه وشاقني بخضابه

شعرها مثل الظلام مغطي المتنيني = وعين حرٍ يدمي الصيدات في مخلابه

وخشمها حد الرهيف السيف ابو حديني = وخدها برقٍ يلوح ومزنته صبابه

ما تيسر من وصوفه جبتها ابيتيني = كيف انا بحصي وصوفٍ تتعب الحسابه

من ثمان سنين همي عقبها طاويني = افزع لمنهو يخصك عن جميع اصحابه

واعسا من فزعتك كل الامور اتزيني = ويهتني صاحبك في زاده وفي مشرابه

ختمها صلوا على محمد رسول الديني = عد من زار الحرم واعداد من صلابه[/poem]






وكان هذا ردي عليه عسى أن يجملني عنده وعندكم وأعذروا أخوكم على القصور

[poem=font="Arial,6,black,bold,italic" bkcolor="coral" bkimage="" border="double,9,sandybrown" type=2 line=1 align=center use=ex num="0,black"]
يالله إني في رجاك برحمتك تنجيني=في نهار ٍ يصخرون الناس مامن جابه

جاتني شكوى وأنا أدور من يشكويني=في الحبيب اللي وقف لي دونه العصّابه

يوم قدني بأنتشي وأسلى مع الساليني=من غرام اللي بقلبي حامي ٍ مشهابه

ياحسن ذكرتني من حبها مشقيني=بنت من له هيبة ٍ في حضرته وغيابه

صاحب موقفه مني موقف الوافيني=بالوفا متعلي ٍ في شاهقات هضابه

وأتهمني برميته وهو الذي راميني=سهم حبه وسط قلبي دامي ٍ مضرابه

مرحباً ياصوت من في النايبة يدعيني=صوت رجل ٍ خصني بالعلم دون أقرابه

مرحباً في مرحباً ترحيبة الغاليني=مثل سعدون العواجي يوم شاف عقابه

آتشرف في هجوس العالم الساميني=القروم اللي لشوعات النبا كسّابه

أزهرت ريضان بيشة وأكلب الداعيني=مشوشين ٍ في لقا المنجوب والنجّابه

ياهجوسي أطبخيني وأنفخي وشويني=وقلبيني في حما صاليك كم قلاّبه

وأنتقيني في شوارد فكرك وسميني=وأشهري بالصوت في أعلى عالي ٍٍ يرقابه

ولا رقيتي فوق رأس النايفة ناديني=أحتزم بحزام من حاف الحفيف وجابه

كلها من شأن من في هقوته ناصيني=في رضاه أبيع روحي بيعة الجلاّبه

ياوسيع المعرفه مالك عليّ إيميني=والله إن أبرك لحملك مثل شامخ نابه

وبدعي أكلب ياحسن في علمك وتدعيني=وافترح باللابة اللي نارها شبّابه

من حدود الغرب لين أقصى حدود الصيني=ماغدا حق ٍ ثبات ٍ من وراه طلابه

أرسل إسم العاشقة واللابه الأدنيني=وأعتبر وضع العشيقين أنتهى بأسبابه

أبشر بفزعة رجال ٍ في الطلب وافيني=أكلب اللي في اللقا رجالهم يدعابه

يوم بقعا دين ومداين توفي الديني=من تحمل دينهم عصر ٍ خذي ما أمسابه

كانها بالجاه جينا ياحسن لافيني=جاهنا مع جاهكم ياصاحبي طلابه

وكانها بالمال جاك المال في شيكيني=شيك بشروط العواني وزايد ٍ بحسابه

وشيك لك عانيّة ٍ وختامها تعفيني=في القصور اللي حصل مني ولا يدرابه

وكان لاجاه ٍ ولا مال ٍ يجي بالزيني=فأعتقد ذا الوقت ماشي ٍ يجي بحرابه

فأعتصم بالله ودور لك مع الأقصيني=بنت شيخ ٍ مامشوا ربعه بدرب إلاّبه[/poem]





وسلامتكم