شيخ الشعر الحاكم الزيزوم(سلطان بن وسام)

[poem=font="Simplified Arabic,6,green,bold,normal" bkcolor="transparent" bkimage="backgrounds/1.gif" border="groove,medium,gray" type=3 line=0 align=center use=ex num="0,black"]
الا يا قصيدي مرحبا بك على المقسوم = تفاول وعقب الفال برسلك بمهمه
ابرسل معك لعجاب والورد واليشموم = إعجاب(ن) على شانه وتبرا به الذمه
خذ إعجابي الكامل خذه والنقا مرسوم = على راية(ن) بيضا ورمز الوفا ضمه
خذه يم شيخ الشعر والحاكم الزيزوم = حكم ساحة الشعار ويكمهم كمه
تجيه القصايد خادمه يوم هو مخدوم = وتقول انت ابوها سم ما تشتهي سمه
قصيده بختم العرف والمرجله مختوم = قصيد(ن) تشرب به ويجري مع دمه
ولا غرقو شعاعير الترزز يجيك يعوم = فصيح(ن) بقافه ينثر الشعر ويلمه
مثل نادر(ن) يشهر لامنه نوا بالحوم = وحروف القصيد تعانق السحر من فمه
هذاك ابن وسام الذي مركزه معلوم = خذا المركز الاول ويستاهل القمه
اقوله وانا ما نيب ظالم ولا مظلوم = اوجه قصيدي للكفو واترك الرمه
وانا معجب(ن) والله بالبيت هذا دوم = واشوفه يعادل له دواوين ملتمه
طراة الرجل لالحقه من الزمان هموم = لا يدري بسده كود خيرة بني عمه[/poem]

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]