[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يسري الساري ولا له على المهجاد داع=والهوى غلاب والناس توقد نارها
ليت ما بين الاقاليم حظر ولا نزاع= كان ماشفت الدول حارسات ابارها

لو رجعنا في حديث رواه القينقاع= كل نية سوء تلقى بليس امارها

ليلة اول شفت حلم نهاياته ضياع= ما بقى من صرحها الا بقايا اثارها

شفت نجمه في يدي وشفت باقين الرعاع= اتوجد من خلوج ماعاش حوارها

قومتني نشوة الحلم وعيوني جزاع= والليالي يعلم الله بغيب اسرارها

راحت الايام وانا غريب الانطباع= اعرف ان الصوره محدده في اطارها

ليت يا وجه المقادير ما تلبس قناع= والاوادم مومنه في جميع اقدارها


والبلاء ما هو بفرق الطمان من الرفاع= البلاء في العالم اللي يزم عيارها


ما نبي نخلط سريب الثنايا في الرباع= وكل فرقه دقت النوت على اوتارها

والهوى اللي يعمي العين ويذل الشجاع= ما نبي سلعته والقوم دون استارها

صاحبي والعمر كله تجارب واطلاع= اخذ منها يمينها وخل عنك ايسارها

يا غرام يسبح القلب ويفل الشراع= غبة زرقاء حرسها على محارها

(مثل طرواده تحاموا على سور القلاع)= (ودمرت يوم الحصان المزيف زارها)

ولا انا في ذمتي ما نويتك بالخداع= لو يشورون العرب ما سمعت اشوارها

اشتريت القرب منك وقربك ما يباع= وانت اغلى بورصاتي وحجم اسعارها

ان تمايل جيدها كنها عود اليراع= انعشتني من شذاها وريح ازهارها

والشعر والطول وعيونها السود الوساع= فوح قلبي فوحة اللي تفوح ابهارها

وعندها ذكرت حلمي وسر الاندفاع= وقلت هذي نجمتي جات من مدارها

والرعاع اللي يعذلون في كل الطباع= العبوها صح والحرب من مكارها

وفرقونا حسبي الله بلا نظرة وداع= (وادبرت حني الغوارب بدون ابكارها)

كل شي اتقبله غير في لوي الذراع= اذبحوني في غلاها لعن ابو دارها

[/poem]