السلام عليكم ورحمة الله وبركاته....................

قصيدة لابن جدلان


قصيدة ياطيب العشرة

ألا يالله ياللي تحـت هيبـة سلطنتـك أسلمـت
لك المسلم يسبح لك بحمـدك وإلـك الإسلامـي
أحمدك ؛ وأشكرك ؛ وأثني عليك بما علي أنعمت
وزدني في وفا بر العشير ووصـل الأرحامـي
ولهت الفجر ياليل الذهول اللي علـي أظلمـت
بعرضك واقع الذكرى علي عـرض الأفلامـي
وولهتك يالنديم اللي على صافي وفاك أضرمـت
بصفحة ذكريات العام واللي مـن ورى العامـي
بعد تقرير مشوار التجارب نجحـت وأجزمـت
بأن السيف سيفي والعصـا والمحـزم حزامـي
أباهي ؛ لا أبالي ؛ وأتبيسـط كـل مـا قدمـت
أشـب النـار قـدام العـرب وأشيـد خيامـي
نهاري : حر شمسه ؛يستحي منها لسان الشمت
وليلي اترجم نجومـه ملامـة كـل مـن لامـي
على ضو الكلام اللي كشف عنا ستار الصمـت
وعرفت إن به وجيه باليمن ووجيـه بالشامـي
أحسب إنك تيمم باتجاهـي ويـن مـا يممـت
أثر لا أنته ورايه بالطريـق ولا أنـت قدامـي
وكثر ماحن صدري للونيس وكثـر مادرهمـت
فجر صدري حنيني وأتعـب الأقـدام درهامـي
مصيبة لاتردت قيمتك فـي عيـن مـن قيمـت
يشوفك بالسهل وأنته تشوفـه بالسمـا السامـي

مادام إن جانبي شام لجنابك وأنت عني شمـت
كثر خيرك ؛ وأنا لانيب لاجايـع ولا ضامـي
أشوف إنه علـي واجب؛إليـا مريتكـم سلمـت
مرور كرام تربطها الكرامـه عنـد الأكرامـي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لاغفلت ونمـت
يصحيك الزمان اللي يصحي كـل مـن نامـي
وتعرفني لمنها ضاعت أوهامـك بمـن وهمـت
وعرفت الفرق في حب الخشوم وحب الأقدامـي
ختام السالفة ياطيب العشـرة كرمـت ودمـت
هذا حقك علي وحق شرهاتـي علـى أوهامـي