وش أسباب إنقطاعك

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنا ما أدري وش أسباب إنقطاعك؟ = عسـى ماحدّتـك سـود الليالـي
أخاف الوقـت يلويلـك ذراعـك = وتصبـح لارفيـق ولا مـوالـي
تـرا الدنيـا حلاوتهـا نزاعـك = لو إن المر ( مر ) يصير حالـي
كـذا الدنيـا نزولـك وإرتفاعـك = تـرا ماهمهـا نـازل وعـالـي
وترا مهمـا تغيّـر فـي طباعـك = إذا ميـل عليـك الدهـر مـالـي
وإذا ناديـت ماينفـع سمـاعـك = تـرا ماتنفـع جمـوع الرجالـي
بوقت الضيـق مافـاد إتساعـك = تصيح تقـول ماعنـدي مجالـي
ترا يسهل على الدنيـا إبتلاعـك = ولو كانـك شديـد ومـا تبالـي
نصيحه لا تجالس شخص باعـك = تبيـع اللـي يبيعـك بالريـالـي
ولاتظهـر طموحـك وإندفـاعـك = الأول في بعـض الأحيـان تالـي
وخـاف الله قبـل تهتـز قاعـك = ولا يبقـى سهـول ولاجبـالـي
وطاوع من على المعروف طاعك = تجي بين العـرب ذرب الفعالـي
تمهل فـي إبتكـارك وإختراعـك = أخـاف إنـك بعدهـا ماتنـالـي
وإذا عندك فضاوه فـي نخاعـك = فلا يمكن تجـاوب عـن سؤالـي
أنا ما أدري وش أسباب إنقطاعك؟ = عسـى ماحدتـك سـود الليالـي [/poem]