هذه القصيدة مراسلة بين الشاعر علي بن عبدالله المهداني اوالشاعر سعيد بن فالح بن رمهان

بسم الله الرحمن الرحيم

اخواني اعضاء منتدى قحطان


هذه القصيدة مراسلة بيني وبين الشاعر سعيد بن فالح بن رمهان المهداني


وهي بمناسبة صدور الشريط الجديد(( جزل المعاني)) فأبديت عليه قصيده بهذه المناسبة


وقد رد علي ....

وهذا هو تصميم الشريط








وهذه القصيدة اللي ابديتها على الشاعر/ سعيد بن فالح بن رمهان

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,10,indigo" type=1 line=0 align=center use=ex num="0,black"]
ياراكب اللي من اخر وارداً فاعي=حسب الطلب شركته ماوردو نوعة
كن حس ماطورة اليا حرك وزاعي=حس الزلازيل واللي حولة يروعة
فكس ار لون ابيضاً للبيد قطاعي=يطفي هواجيس صدراً قامت تلوعة
لافز من فزته يظهر ثراء القاعي=يبقى الثراء بيناً لداير اسبوعة
وان دست له بالقدم من روس الاصباعي=قام يتجاوز ملف الخط واقطوعة
واليا برم تايرة مع حفة القاعي=تسمع كشيط الحصاء لافتر من زوعة
من سرعته كن عجة خلفه اشعاعي=مع ديرتاً من بكور الوسم مرجوعة
خلواً من البادية ماطبها الراعي=فيها الزهر كل وادي يركب اردوعة
متخالطاً الزهر من كل الانواعي=في موطن من هل الابل تكثر رتوعة
سلفان بدواً من اول فية رتاعي=جيران في كل وادي يحل مجموعة
واليوم راحو مراحأ ماله ارجاعي=هذه مراسيم جيلاً ماتو نجوعة
على معاهيدهم للنود ذعذاعي=عليه هباب نود الذاري تلوعة
وهذا باقي معي للجيب مرجاعي=باقي علي وصف درب الجيب وسنوعة
جيباًَ شريته من اجل اللازم الداعي=نقداً عطينا وكيلة كاش مدفوعة
فوقة شجاعاً على الشدات بتاعي=عز ابن عمه نهاراً تكثر فزوعة
ستر العذ ا رء نهاراًً فيه مفزاعي=وتفرح به اللي رمت بالشال مفجوعة
وصيته مع ساير الركبان ينذاعي=في الطيب له سمعتاً بالعز مرفوعة
صميدعي جذبة الصوت والداعي=منصاه بومعجباً واهداف موضوعة
يعطية شكري على حسنه والابداعي=شهادتأ من دهون الطيب مطبوعة
لسعيد جزل السجايا وافي الباعي=رجلاً نهج منهج اللي تحمد طبوعة
قصيدة اكبر علاج للبعض الاوضاعي=من منهلاً صافياً مشروب ينبوعة
بحر الندى مشربة طباً للاوجاعي =هداج تيما غزيراً مالحق قوعة
ساق القوافي مثل غيرة ولا ضاعي=خلا صعيب القوافي تمشي بطوعة
والشعر كالسيف للي يدرك وياعي=لا صار في موضعاً بالدين مشروعة
ولا فيه شاعر قدر للناس بقناعي=وكم شاعراً ماحداً يصغي له اسموعة
وياحظ من له من اهل الخير سماعي=اللي على ماكتب له نفسة قنوعة
واخر كلامي طلبت اللي لنا راعي=اللي خلق كل شي بأمره وطوعة[/poem]




وقد رد الشاعر / سعيد بن فالح بن رمهان بهذه القصيدة

[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="double,10,gray" type=1 line=0 align=center use=ex num="0,black"]
في حزتاً طيبة سمعت لي لي داعي=وفزيت اعاين لراعي الصوت وسنوعة
لقيت رجل على الصعبات جزْاعي=رحبت به قبل ما ادري ويش موضوعة
من فوق جيب جديد يلمع اللماعي=رحبت به قبل ما ادري ويش موضوعة
ويوم عرفته رفعت الصوت فزْاعي=فكس آر فل اشناً بالباب مطبوعة
وعقب العشاء وردْ المندوب والساعي=وسلمني ارسالتاً بالشمع مشموعة
وعطاني العلم معه اوسام لبداعي=وشهادتاً من جزيل الهرج مصنوعة
من شاعراً له مع الشعار مرتاعي=والشعر يمشي على كيفة وفي طوعة
لاصعب بيتاً تجية ابيات فزْاعي=ومنه القصايد تجي ماهيب مرموعة
يصخر صعيب القوافي وافي الباعي=طبيعة له وكلاً عاش بطبوعة
يمتاز بأسلوبة الهادف والاقناعي=عنده اساليب لرسم القاف مشروعة
يداعب القاف لين القاف ينصاعي=ويصير بيت الشعر فريد من نوعة
هذا ابن عمي وسيف الهند قطاعي=له المعزة بوسط القلب مزروعة
افخر بشعره وفعلة وابني شراعي=وقصيدته ماتجي هزلة ومزموعة
وبحر القصايد يجي لرْضاه متداعي=وقدامة الشعر ياقف يعلن اخضوعة
له ما قفاً مع هل الجزلات ينذاعي=وله كلمتاً في فصيح القول مسموعة
كريم سبلا ويوفي كيلة الصاعي=وكل الفعول الجميلة فية مجموعة
هذي الحقيقة ماهي تزييف واخداعي=والقرْم فعلة ينومس طيَب ربوعة
ياعلي صيتك مع الوافين ينشاعي=ولجدنا قصتاً للناس مذيوعة
قصة كرم ماتجي بالسوق وتنباعي=قصة مفرج وجارة جات موسوعة
يوم المهادي غداء للطيب زرْاعي=ويهدْي مفرج ويحدْ بطبوعة
فعلً قديماً مع الايام ماضاعي=قصة على صفحة التاريخ مطبوعة
وياعلي شعر النبط به بعض الاوجاعي=يمسي على جوعة ويصبح على جوعة
بحراً غزيراً دخل به كل وعواعي=واصبح يداعب به الدلوع دلوعة
ناساً نراها تجيب اشكال وانواعي=وتصادم الشعر حتى تكسر اضلوعة
تسحب قصيد النبط وجهه على القاعي=وتحطمة لية تطفي باقي اشموعة
واليا سمعت القصيدة جاني اصداعي=والكبد منهم يابو سلمان مفلوعة
سوالفاً لو تلاحظ مالها داعي=ويفتن بها من يحب الشعر كوعة
تكتب وتنشْر لا وابشرك تنذاعي=واللي سمعها يقول اشعار مسجوعة
لصار شعر النبط ماله تشعْ عاي=فأخير منه السكات وقفل موضوعة
وانا على منهجك برتب اوضاعي=احب شعرك وعليه النفس مدفوعة
هذي نهاية بيوتي جاتك اتباعي=وسلمتها من يعرف الهرج واسنوعة
ابو حسن لا حصل في العلم زعْزاعي=يوقف خصيمة ولو ان جهز اجموعة
من فوق جيباً جديد له تمرْياعي=قليل ما يوجد وسط البلد نوعة
والختم صلو عدد ماهب ذعذاعي=على نبي بحر الاسلام ينبوعة
محمد اللي نهار الحشر شفْاعي=خير البشر سيرتة بالخير متبوعة[/poem]

الشــــــاعر

علــــي بن عبداللـــــه المهــــــدانـــي

ali-almhdani@hotmail.com